Jógvan í Lon Jacobsen, sáli, var professari í føroyskum máli. Hann doyði 14. juli í ár
Nýggj grein: Við lóg skal land byggjast
Nýggj vísindalig grein eftir Jógvan í Lon Jacobsen, sála, professara á Føroyamálsdeildini, og Bárð Larsen, lektara, á Søgu- og Samfelagsdeildini, er útgivin í Tidsskrift for Rettsvitenskap
Vísindaliga greinin eitur "Med lov skal land bygges - Refleksioner over færøsk som retssprog, lovsprog og juridisk sprog" og er í 3. útgávuni av felagsnorðurlendska Tidsskrift for Rettsvitenskap í 2026.
Í greinini viðgera teir báðir spurningin um føroyskt mál sum rættarmál, lógarmál og sum heild føroyskt sum løgfrøðiligt mál.
Eitt nú verður víst á, at tað ikki er vist, at staðfestingin í rættargangslógini, at føroyskt er høvuðsmálið í rættarskipanini, speglar veruleikan.
Greinin melur kring eitt mál, knýtt at umseting av revsilógini frá donskum í føroyskt, sum fekk nógva almenna umrøðu fyri nøkrum árum síðani, at lýsa tær skipanarligu og mentanarligu avbjóðingar, sum eru fyri føroyskt sum lógar- og rættarmál í verandi ríkisdonsku skipan.
Greinin er einans tøk fyri haldarar.
Leinki til greinina er HER.
