University of the Faroe Islands
Lesandi
Starvsfólk
Setrið
Lestrarbyrjan19.jpg
20.08.2019
Setrið Føroyamálsdeildin Til lesandi

Nýggj lesandi og nýggj útbúgving byrjað

Eins og aðrastaðni á Fróðskaparsetrinum byrjaðu nýggj lesandi á Føroyamálsdeildini mánadagin.

Umframt lesandi í føroyskum er tað serliga í ár, at nýggja útbúgvingin í listaligum arbeiði byrjar. Útbúgvingin er býtt sundur í tvær leiðir, ritlist og tónlist.

Í alt 12 byrja at lesa BA í føroyskum máli og bókmentum, 1 byrjar hjánámslestur og 6 nýggj lesandi leggjast afturat á MA-náminum.

Til útbúgvingina í listaligum arbeiði vóru 26 umsóknir. Av teimum fingu 16 tilboð um lestrarpláss, og 15 byrja, 9 á ritlist og 6 á tónlist.

Hóast hesar báðar útbúgvingarnar á Føroyamálsdeildini ikki líkjast og hava hvør sínar serligu arbeiðshættir, verða ivaleyst fleiri sínámillum ágóðar, sum fara at styrkja lestrarumhvørvið á deildini og verða kveikjandi og mennandi fyri tey lesandi hvør sær og í felag.

Talið av fulltíðarlesandi á Føroyamálsdeildini er 52.

Onnur tíðindi

Fleiri tíðindi
  1. Próvtøkuótti 13.11.2025 (002)

    Opin fyrilestur á netinum um próvtøkuótta

  2. Rógvi Olavson Staðið Phd 13112026

    Væleydnað ph.d.-verja hjá Rógva

  3. Forsíða Klipt

    Setrið byggir brúgv til miðnám