Nýggja lógin er komin í gildi

Løgtingið samtykti 4. juni 2020 nýggja lóg um ráðgeving og stuðul til gransking, menning og nýskapan. Lógin er nú komin í gildi

Í fyrsta umfari eru hesar broytingar, samanborið við gomlu lógina:

*Eitt nýtt Ráð fyri gransking, menning og nýskapan skal setast í staðin fyri Vísindaráðið. Ein skrivari skal setast til arbeiðið hjá hesum ráðnum.

*Granskingarnevndin verður umskipað til eina faknevnd og stjórnar ikki longur granskingargrunninum. Í staðin vísir stjórin beinleiðis til Uttanríkis- og Mentamálaráðið.

*Stuðulsskipanirnar hjá stovninum verða skipaðar í einum uttanhýsis grunni.

*Virkisøkið fevnir nú eisini um luttøku Føroya í norðurlendskum og altjóða samstarvi um gransking, menning og nýskapan.

Í sambandi við lógarskiftið eru tvær kunngerðir í umbúna.

Onnur er um tilnevning av limum í ráðið fyri gransking, menning og nýskapan. Hin er um stuðulin til gransking.

Uttanríkis- og Mentamálaráðið hevur raðfest arbeiðið hjá nýggja ráðnum sera høgt og bað í hesum sambandi Løgtingið um hægri játtan til Granskingarráðið á løgtingsfíggjarlógini 2021.

Játtanin vaks við 500.000 krónum. Granskingarráðið boðar á heimasíðu sínari frá, at í næstum verður lýst eftir fólki.

Sí eisini grein um nýggju lógina frá juni 2020 her.