Nýtt tilboð til musikarar
Útbúgvingin í listaligum arbeiði á Fróðskaparsetri Føroya bjóðar á heysti 2020 lesandi og yrkistónleikarum eitt nýtt skeið í tónleikaástøði
Sunleif Rasmussen, komponistur og námslektari í tónleiki á Fróðskaparsetri Føroya, fer at undirvísa og geva tónleikarum ein serstakan møguleika fyri menning og innliti í tónleik.
Skeiðið gevur studentunum innleiðslu í tónleikaástøði, analysu og kompositión sæð í tónleikasøguligum ljósi. Dentur verður lagdur á at styrkja analytisku førleikarnar hjá studentunum í tónlist og kompositión og at menna eginleikan at binda saman ástøði og fagurfrøðilig sjónarmið.
Studentarnir læra at eyðmerkja egnan lærutørv, sjálvstøðugt at meta um tónleik, tá tað snýr seg um ymisk góðskuparametur og tónleikasløg og at samskifta neyvt um hetta.
- Tað hevur týdning at kenna samanhang, og hvussu tónleikaástøði hevur ment seg frá miðøldini og fram til nútíðina. Komið verður inn á fyrstu royndirnar at gera eina nótaskrift, og til tað, ið vit kenna í dag. Eisini verður tikið fram, hvussu fatanin av dissonansi og konsonansi er broytt ígjøgnum tíðirnar. Líka so kollveltandi sum nótaskriftin var, var tá ið bandupptakarin kom á marknaðin umleið 1940, sigur Sunleif Rasmussen um skeiðið.
Undirvísing verður 3 tímar um vikuna.
Meldið til her.
Skeiðið telur 10 ECTS (BA).
Gjald fyri stakgreinalestur er 200 DKK/ECTS.
- 19.04.2024 Setrið NámsvísindadeildinNámsvísindaligur granskingardagur 2024Árligi námsvísindaligi granskingardagurin á Fróðskaparset...
- 19.04.2024 Setrið Deildin fyri Heilsu- og SjúkrarøktarvísindiEina stóð ph.d.-verjuna væl og virðiligaSeinnapartin hevur ph.d.-verja verið í Kongshøll á Fróðsk...
- 19.04.2024 Setrið SetursskrivstovanVitlíki: - Hvat skulu vit sjálvi duga nú og í framtíðini?Hvørjar førleikar fara fólk at hava brúk fyri, tá talgild...