Ph.d.-skeið í granskingaretikki

Hósdagin 21. mai verður eitt ph.d.-skeið í granskingaretikki boðið út á Námsvísindadeildini á Fróðskaparsetri Føroya. Tilmeldingarfreist er 4. mai

Skeiðið í granskingaretikki er eitt kravt skeið hjá øllum, ið taka eina ph.d.-útbúgving.

Á skeiðinum nemur ein sær vitan um altjóða grundleggjandi krøv og leiðreglur í sambandi við granskingararbeiði, so sum upplýst samtykki, anonymitet, integritet, rithøvundarættindi, vitlíki og annað.

Tað eru viðurkendu professararnir í etikki, Jesper Ryberg og Thomas Søbirk Petersen, báðir frá Roskilde Universiteti, ið koma at halda skeiðið.

Sigri M. Gaïni, ph.d og námslektari í vísindaástøði, lívsáskoðan og siðalæru á Námsvísindadeildini, skipar fyri skeiðinum og undirvísir eisini.

Hetta er aðru ferð, at hetta skeiðið verður hildið. Fyrstu ferð var á heysti 2023.

Skeiðið gevur eitt ECTS-stig og er ætlað teimum, ið eru í holt við ella hava ætlanir um at fara í holt við eina ph.d.-útbúgving.

Meira kann lesast um skeiðið her. 

Tilmeldingarfreistin er 4.mai.

Søk her.