Politiskt formansumfar í Kongshøll mikudagin
Mikudagin klokkan 15 hevur Setrið almennan politiskan valfund í Kongshøll á Vestaru bryggju í Havn, har forfólkini í øllum flokkunum vera við
Útbúgvingarpolitikkur, gransking, kampus og lestrarlív standa á skránni, tá Fróðskaparsetrið bjóðar til almennan valfund í Kongshøll á Vestaru bryggju í Havn mikudagin 30. november klokkan 15.
Beinir Johannesen, formaður í Fólkaflokkinum, Bárður á Steig Nielsen, formaður í Sambandsflokkinum, Aksel V. Johannesen, formaður í Javbnaðarflokkinum, Sámal Petur í Grund, formaður í Sjálvstýri, Høgni Hoydal, formaður í Tjóðveldi, Ruth Vang, forkvinna í Framsókn og Jenis av Rana, formaður í Miðflokkinum fara at geva síni boð uppá, hvussu Føroyar koma best fram á leið, tá tað ræður um hægri útbúgvingar, gransking, kampus og umstøður at lesa í Føroyum. Orðstýrari verður Brynhild Thomsen, og møguleiki verður eisini hjá áhoyrarum at spyrja valevnini spurningar.
Øll eru hjartaliga vælkomin, og verður ikki pláss fyri øllum, so er møguligt at fylgja við í politiska orðaskiftinum á stroymi.
Leinki til stroymin er her.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...