Prísurin fyri COVID-19
Fíggjarmálaráðið hevur gjørt meting av, hvussu stórar búskaparligu avleiðingarnar verða av COVID-19
Fyri Løgtingið, landsstýrið og kommunurnar hevur tað týdning at kunna meta um búskaparvøksturin næstu árini og um inntøkuvøksturin í samfelagnum sum heild.
Hetta hevur millum annað týdning í sambandi við fíggjarlógina hjá landinum og í sambandi við fíggjarætlanirnar hjá kommununum. Í hesum sambandi hevur Fíggjarmálaráðið mett um búskaparligu avleiðingarnar av Covid-19.
Høvuðsniðurstøðurnar eru:
*Óvissan er serstakliga stór í løtuni. Neyðugt er at hava atlit at hesum.
*Afturgongd verður sannlíkt í búskapinum í 2020 og møguliga eisini í 2021
*Búskapurin kann minka 3-10% í 2020, møguliga heldur minni í 2021
*Landskassin kann lættliga fáa hall á 800 mió. kr. og upp til 1,5 mia. kr. í 2020 og nakað minni í 2021
Annars sigur Fíggjarmálaráðið, at landið, samfelagið, kommunur, almennir grunnar, stórur partur av privatu húsarhaldunum og stórur partur av vinnulívinum eru væl fyri at standa ímóti einum tíðarskeiði við afturgongd í búskapinum
Uppritið hjá Fíggjarmálaráðnum kann lesast her.
- 07.05.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...
- 06.05.2024 Setrið Søgu- og samfelagsdeildinVæl staðin ph.d.-verja hjá Sigri M. GaïniSeinnapartin vardi Sigri M. Gaïni ph.d.-ritgerð sína, sum...
- 03.05.2024 Setrið LestrarskrivstovanOpið hús: Hvør útbúgving hóskar til tín?7. mai klokkan 16 verður opið hús í Kongshøll, har tínir...