Prógvhandan í Kongshøll
Prógvhandan – Ískoytisútbúgving fyri sjúkrarøktarfrøðingar og onnur heilsufakfólk
Í gjár, 12. desember, var hátíðarløta í Kongshøll í Sjóvinnuhúsinum.
36 sjúkrarøktarfrøðingar og ein ergoterapeutur fingu handað prógv fyri at hava staðið tey trý skeiðini, sum ískoytisútbúgvingin umfatar:
Vísindaástøði og granskingarháttarlag – 10 ECTS
Klinisk vegleiðaraútbúgving – 10 ECTS
Bachelorritgerð – 15 ECTS
Væl av fólki var møtt og tað setti dám á hátíðarløtuna.
Annemi Lund Joensen, útbúgvingarleiðari á Deildini fyri Heilsu- og sjúkrarøktarvísindi, bjóðaði vælkomin og helt talu. Síðani helt Jancy Gaardlykke eina talu vegna tey lesandi og May-Britt Skoradal, varadekanur, handaði prógvini. Aftaná var okkurt gott til góman fyri nýklaktu bachelorunum og familjum teirra.
Hetta var seinastu ferð, at ískoytisútbúgvingin varð boðin út. Tilsamans hava umleið 150 sjúkrarøktarfrøðingar og onnur heilsufakfólk tikið útbúgvingina.
Vit ynskja teimum hjartaliga til lukku við útbúgvingini.
- 22.03.2024 Setrið Søgu- og samfelagsdeildinFøroyskir filmar í nýggjari vísindaligari bókBye Bye Blue Bird og Dreymar við Havið eru umboðaðir í ný...
- 22.03.2024 Setrið LestrarskrivstovanKom tú eisini og les á SetrinumÁ universiteti okkara í Føroyum, Fróðskaparsetrinum, hava...
- 22.03.2024 Setrið NáttúruvísindadeildinAlment tiltak: Vitlíki millum vit og kenslurFríggjadagin 12. apríl klokkan 15 bjóðar Fróðskaparsetrið...