University of the Faroe Islands
Lesandi
Starvsfólk
Setrið
Prógv NÁD (2).jpg

Hátíðarhald hevur verið á teimum fimm deildunum í dag. Her er tað prógvhandanin á Námsvísindadeildini

25.06.2021
Setrið

Prógvini vaksa í tali

137 prógv latin á Fróðskaparsetrinum higartil í ár

Í gjár og í dag hava prógvhandanir verið á Fróðskaparsetri Føroya, og tølini fyri fyrra hálvár vísa vøkstur í talinum á útbúnum.

137 hava higartil í ár lokið prógv á Fróðskaparsetrinum, og hetta eru 24 fleiri enn sama tíðarskeið í fjør, tá 113 prógv vórðu handað.

Tilsamans hava 110 bachelorar fingið prógv hesar seinastu seks mánaðirnar, 26 hava fingið masterprógv og ein prógv í hjánámi.

65 prógv eru útskrivað á Námsvísindadeildini, har tey lesa til námsfrøðing og lærara, 32 prógv eru latin á Søgu- og samfelagsdeildini, 20 prógv á Deildini fyri heilsu- og sjúkrarøktarvísindi, 10 á Føroyamálsdeildini og onnur 10 á Náttúruvísindadeildini.

Vit ynskja øllum okkara fyrrverandi lesandi hjartaliga til lukku og bestu eyðnu á leiðini fram!

Onnur tíðindi

Fleiri tíðindi
  1. Próvtøkuótti 13.11.2025 (002)

    Opin fyrilestur á netinum um próvtøkuótta

  2. Rógvi Olavson Staðið Phd 13112026

    Væleydnað ph.d.-verja hjá Rógva

  3. Forsíða Klipt

    Setrið byggir brúgv til miðnám