Rutur og røtur í norðuratlantiskari ferðavinnu
Komandi summar í døgunum 16.-18. august 2019 verður Frændafundur nr. 10 hildin í Tórshavn
GG Freistin at lata úrdrátt inn er longd til 15. mai!
Granskingarsamstarvið millum Fróðskaparsetur Føroya og Háskóla Íslands bjóðar øllum áhugaðum til ráðstevnu 16.-18. august 2019 við evninum ferðavinna/ferðafrøði sum høvuðsevni. Verkstovur verða eisini um onnur viðurskifti, sum viðvíkja sambandinum millum Føroyar og Ísland. Ráðstevnan verður hildin á Fróðskaparsetri Føroya (Sjóvinnuhúsið, Vestara Bryggja, Tórshavn). Tey, sum hava áhuga fyri at halda ein fyrilestur um ferðavinnu ella eitthvørt annað evni, skulu senda sítt abstrakt til Lenu Reinert innan 15. mai: lenar@setur.fo (250-400 orð). Hvør fyrilestur skal vera 30 minuttir, spurningar og umrøða íroknað. Fyrilestrarnir skulu helst vera antin á føroyskum ella íslendskum, men til ber eisini at halda sín fyrilestur á hinum norðurlendsku málunum ella á enskum.
4 høvuðsfyrilestrar verða á ráðstevnuni innan høvuðsevni ferðavinna/ferðafrøði:
- Lis Mortensen, náttúrulandafrøðingur, Jarðfeingi og Barbara Biskupstø Hansen, jarðfrøðingur, Jarðfeingi
- Benedikt Hjartarson, Ph.d., professari í bókmentum í almennari bókmentafrøði, Háskóli Íslands
- Katrin Anna Lund, Ph.d., professari í sosialantropologi (Ferðamálafræði), Háskóli Íslands
- Bergur Rønne Moberg, Ph.d., lektari í norðurlendskum bókmentum, Fróðskaparsetur Føroya
Lýsing av høvuðsevni til Frændafund nr. 10, Tórshavn 16.-18. august 2019
Skrá fyri fundin kemur seinni
Nærri kunning um granskingarsamstarvið Frændafundir sæst HER
- 30.04.2024 Setrið NámsvísindadeildinMinningarorð um Mikkjal MikkelsenMikudagin 24/4-2024 andaðist Mikkjal Mikkelsen, fyrrveran...
- 29.04.2024 Setrið Deildin fyri Heilsu- og SjúkrarøktarvísindiHvítbók: Fótbóltur sum fyribyrging og viðgerðHvítbók er útgivin um fótbólt sum fyribyrging og viðgerð...
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...