sBók: Føroysk mállæra 1. Kyn, orðmyndan og bending
Nám gevur út sBókina Føroysk mállæra 1. Kyn, orðmyndan og bending eftir Hjalmar Petersen.
Bókin er 250 blaðsíður, og kemur hon eisini í pappírformi næsta mánað. Í bókini verður víst, at kyn er reglustýrt í føroyskum. Eisini er eitt langt kapitul um orðmyndan. Hetta fevnir um samansetingar og avleiðslur, og er tað fyrstu ferð at evnið er so neyvt viðgjørt í føroyskum, har víst verður á, hvussu nuanserað orðmyndan í málinum er. Viðgjørd verða innlænt og niðurarvað atfesti, og eisini er nógv gjørt burturúr klípum, sum eru í orðum sum elli+s+heim fyri tað eldra elliheim. Víst verður, at klípini í føroyskum ganga eftir málspesifikkum reglum.
Síðsti partur er um bending, har onkrir nýggir flokkar eru viðgjørdir, serliga skerpingarsagnorðini sum at búgva og at doyggja.
Høvundurin, Hjalmar P. Petersen er professari í málvísindum á Føroyamálsdeildini á Fróðskaparsetri Føroya, og hevur hann granskað og arbeitt við føroyskum í fleiri ár.
Leinki til sBókina: mallaera1.sbok.nam.fo
Bókin kann keypast í nethandlinum shop.systime.dk, har eitt 4-ára hald kostar 100,- kr.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...