Send umsókn um lestrarpláss nú

Ætlar tú tær eisini undir hægri lestur á Fróðskaparsetrinum í summar, so er at søkja um lestrarpláss nú

Á Fróðskaparsetri Føroya ganga umleið 1000 lesandi á teimum 30 útbúgvingunum, sum verða bodnar út.

Tey droyma um at gera mun sum KT-frøðingar, lærarar, samfelagsfrøðingar, verkfrøðingar, námsfrøðingar, sjúkrarøktarfrøðingar, lívfrøðingar, løgfrøðingar, søgufrøðingar, listafólk, málfrøðingar o.s.fr.

Mynd tikin fyrsta lestrardag í fjør, tá innleiðslan byrjaði fyri nýggj lesandi í Kongshøll á Vestaru bryggju í Havn

Setrið er einasta universitet í heiminum, sum miðsavnar seg um tørvirnar í føroyska samfelagnum, samstundis sum stórt altjóða útsýni valdar. Og her er eisini pláss fyri tær og tínum deymum um framtíðina.

Á Lestrarskrivstovuni eru tey tilreiðar at taka ímóti umsóknum um lestrarpláss, so nú er at velja, hvørja av útbúgvingunum tú hevur hug til.

Sí stutt yvirlit yvir útbúgvingarnar her.

Finn nærri upplýsingar her.

Umsóknarfreist til kvotu 2 er 15. apríl - og til kvotu 1 og master 1. juli.