Seturstiltak á Mentanarnáttini

Aftur í ár luttekur Setrið á Mentanarnáttini, sum verður hildin í Havn 7. juni 2013. Hesa ferð verður tiltakið fyriskipað á Østrøm.

Her verður skipað fyri bæði kunning um útbúgvingarmøguleikar og við framløgum frá lesandi á Setrinum.

Deildirnar fara at hava básar við kunningartilfari, har møguleiki verður hjá teimum vitjandi at fáa prát við umboð fyri deildirnar.

Eisini verður framsýning sett upp við lutum, sum lesandi á Námsvísindadeildini hava evnað til í skapandi lærugreinunum.

Til tiltakið fara lesandi frá tónleikalinjuni á Námsvísindadeildini eisini at syngja og spæla.

Setrið bjóðar gestunum vaflur við róma og súltitøj eins og kaffi, te og vatn verður at drekka.

Talan er um alment tiltak á Mentanarnáttini fríggjakvøldið 7. juni 2013 frá kl. 19 til 23.

Øll eru hjartaliga vælkomin

Sí skránna her