Skeið í akademiskari uppgávuskriving

Aftur í heyst verður møguleiki fyri at luttaka á skeiði í akademiskari uppgávuskriving.

Talan  er eitt tilboð til lesandi á Fróðskaparsetrinum. Tað verður Bjørg Jacobsen, sum verður lærari og neyðugt er ikki við fyrireiking. Skeiðið er grundað á bókina Den gode opgave eftir Lotte Rienecker og Peter S. Jørgensen.

Á skeiðnum verður komið inn á hesi økir:

• Hvussu komi eg í gongd?
• Hvussu geri eg ein hóskandi spurdóm?
• Hvussu skal eg brúka bókmentirnar?
• Hvussu byggi eg uppgávuna upp?
• Hvussu sleppi eg burtur úr henni?

Skráin sær soleiðis út:

• Mánadag 08.10.: Kom í gongd – spurdómur.
• Mikudag 10.10.: Skriviprosess og strukturering.
• Mánadag 22.10.: Argumentatión.
• Mikudag 24.10.: Formalia.

Undirvíst verður kl. 15-17 allar dagar. Freistin at melda til er 1. oktober og verður hetta gjørt hjá Bjørg Jacobsen bjorgj@setur.fo. Her fæst eisini nærri kunning.

Pláss er fyri 20 studentum – tekna fleiri seg, verður bíðilistin gjørdur.

Skeiðið gevur ikki ECTS