Skeið um #MeToo og bókmentir

Føroyamálsdeildin bjóðar út stakskeið um #MeToo og bókmentir eftir páskir

Soffía Auður Birgisdóttir, ph.d. og bókmentagranskari á rannsóknarsetri Háskóla Íslands, fer at hava skeið um #MeToo og bókmentir á Føroyamálsdeildini eftir páskir.

Seinastu árini hevur kynsligur harðskapur móti kvinnum verið umrøðuevni í samfelagskjaki um allan heim, serliga í sambandi við #MeToo-rørsluna, og tað endurspeglast eisini í samtíðar bókmentum.

Harðskapur móti kvinnum er kortini einki nýtt fyribrigdi, hvørki samfelagsliga ella í bókmentum, og leitað verður tí eisini aftur til t.d. Skírnismál og nýggjar tulkingar av eldri tekstum.

Undirvíst verður hósdagar kl. 9-12 frá viku 14 til og við viku 19.

Skeiðið verður boðið út á MA- og BA-stigi og telur 5 ECTS.

Upptøkukrav til MA-stig er staðið BA-nám, til BA-stig er kravið gymnasialt miðnámsprógv við í minsta lagi 5,8 í miðal í føroyskum.

Umsóknarfreist er 5. apríl

Umsóknarblað fæst her