Skynsamur flutningur er evnið í FLL 2009

Skynsamur flutningur (Smart Move) er evnið í First Lego League (FLL) kappingini í ár. FLL hevur til endamáls at fremja áhugan fyri náttúruvísindum og tøkni millum børn og ung.

First Lego League (FLL) hevur til endamáls at fremja áhugan fyri náttúruvísindum og tøkni millum børn og ung, og føroyskir ungdómar hava tikið lut í FLL kappingum í fleiri ár. Í ár er evnið Skynsamur flutningur (Smart Move).

Við hesum evninum ræður um at finna hugskot og loysnir til hvussu atgongd til fólk, støð, vørur og tænastur kann sklpast á skynsaman, tryggan og effektivan hátt. Í sambandi við uppgávuna verður neyðugt hjá teimum, sum luttaka, at meta um fleiri flutningshættir enn fólk dagliga eru von at brúka, og eisini at kanna møguleikar fyri snildisliga at tillaga flutningsskipanirnar. 

Skúlanæmingar kring landið, leggið í vaðið!

Evnið Skynsamur flutningur (Smart Move) gevur næmingum í øllum skúlum, á øllum floksstigum og í øllum lærugreinum at liggja fram við!

Ítøkiliga uppgávan í ársins FLL kapping  verður almannakunngjørd tann 12. september 2009.

Fólk frá NVD eru við

Kurt Madsen, sum dagliga starvast á Fróðskaparsetrinum, er høvuðssamskipari av føroyska FFL-tiltakinum, umframt at hann eisini er ein av dómaranum bæði í norðurlendsku finaluni og í FLL heimsmeistaraskapinum. Náttúruvísindadeildin hevur eisini umboð í dómaraliðnum.