Stórur innlatingardagur á Setrinum

Tey lesandi hava strevast við sínar stóru ritgerðir í seinastuni, og í gjár vóru vit við, tá klokkan ringdi fyri evstamarki á Námsvísindadeildini

Friggjadagin 12. juni var stóri innlatingardagurin á Námsvísindadeildini.

52 lærara- og námsfrøðingalesandi hava seinastu mongu vikurnar arbeitt við sínum bachelor- og YRV-ritgerðum, og á middegi í gjár var innlating á skránni.

Undantaksstøðan við koronu hevur havt við sær, at tey lesandi hava fingið talgilda vegleiðing meginpartin av tíðini, tey hava arbeitt og skrivað.

Í viku 26 skulu tey lesandi verja sínar ritgerðir, og fríggjadagin 3. juli skipar Námsvísindadeildin fyri tveimum prógvhandanum. Onnur fyri nýggju lærarunum, hin fyri námsfrøðingunum.

Vegna koronu verður handanin fyri innbodnum, og tey lesandi kunnu i mesta lagi hava tveir vaksnar gestir við.

Skipað varð fyri hugnaløtu í kantinuni á Namsvísindadeildini í sambandi við innlatingina

Starvsfólkini eru klár at taka ímóti teimum lesandi. Tað er altíð ein hátíðardagur, tá stóru ritgerðirnar verða latnar til metingar. Frá vinstru: Sigrid Vesturgarð, Kalpana Vijayavarathan, Elsa Maria Højgaard Hansen og Ann Ísheim Davidsen

Eitt ok farið av herðunum. 29 læraralesandi og 23 námsfrøðingalesandi hava latið ritgerð inn 

Námsvísindadeildin hevði bryggjað kaffi og bjóðaði teimum lesandi kanelsniglar

Tey lesandi skulu verja ritgerdirnar munnliga i viku 26 (22.-26. juni)