Summarskeið: Mørk fyri mannarættindum og liberalum fólkaræði

Summarskeið verður 18. - 22. august á Fróðskaparsetri Føroya. Skeiðið, sum er á enskum og á masterstigi, hevur heitið "Limits of Human Rights and Liberal Democracy"

Løgfrøði á Søgu- og samfelagsdeildini bjóðar aftur í ár summarskeið á masterstigi á enskum máli um mørkini fyri mannarættindum og liberala fólkaræðinum.

Skeiðið er skipað í samstarvi við universitetini á Akureyri og í Keypmannahavn, og tí er hetta - umframt spennandi og aktuelt fakligt innihald - eisini frálíkt høvi at koma at kenna lesandi í Íslandi og Danmark. 

Munnlig roynd verður 1. september, so hetta skeiðið er somuleiðis eitt gott høvi at fáa upp í 10 ECTS-stig góðskrivað longu í summarfrítíðini. 

Umsóknarfreist er fríggjadagin 20. juni klokkan 12:00. 

Onnur lesandi enn tey, sum eru innskrivað á løgfrøði, kunnu eisini søkja.

Lesið meira um skeiðið her.