University of the Faroe Islands
Lesandi
Starvsfólk
Setrið
Smíðvitjan2.jpg
20.02.2019
Námsvísindadeildin Til lesandi

Svensk smíðvitjan

Seinastu tvær vikurnar hevur smíðlinjan á læraraútbúgvingini á Námsvísindadeildini havt vitjan av gestalæraranum Joakim Andersson, ph.d.-lesandi í smíð á Gøteborgs Universiteti.

Á skeiðnum vóru fýra ymisk verkstøð: at sveipa, metal-arbeiði, at dreya umframt ein glasverkstaður.

Á sveipverkstaðnum vórðu trælutir formaðir úr finer og síðani tilevnaðir til smáar eskjur við botni og loki. Eskjurnar vóru prýddar við seymi av bjarkarrót. Arbeiðshátturin at sveipa varð fyrr í tíðini nýttur í norðurlondum til brúkslutir so sum mateskjur.

Í metalverkstaðinum smíðaðu og loddaðu tey læraralesandi lutir úr kopari og silvuri, sum vóru upphitaðir við eldi og formaðir við hamarssløgum.

Á dreyiverkstaðnum vórðu skálir dreyaðar í furu, bjørk o.ø. tilfari, og á glasverkstaðnum vóðu glaslutir tilevnaðir í alskyns litum.

Samanumtikið var talan um eitt sera læruríkt skeið, og Joakim endaði skeiðið við einum áhugaverdum fyrilestri um ”Lærande i ock genom sløjd”. Harumframt skipaðu tey lesandi í síðstu viku fyri eini stásiligari framsýning í kantinuni á Námsvísindadeildini, har tey sýndu fram teir ymisku lutirnar, sum vórðu tilevnaðir undir skeiðnum.

Møguleiki er fyri at síggja framsýningina í kantinuni til og við fríggjadegnum 21. februar.

Onnur tíðindi

Fleiri tíðindi
  1. Próvtøkuótti 13.11.2025 (002)

    Opin fyrilestur á netinum um próvtøkuótta

  2. Rógvi Olavson Staðið Phd 13112026

    Væleydnað ph.d.-verja hjá Rógva

  3. Forsíða Klipt

    Setrið byggir brúgv til miðnám