Fyrsti verkstaðurin í september verður um tað onkuntíð tvørliga ð-ið, næsti verkstaðurin verður um, hvussu kvalitetur fæst í universitetsuppgávuna
Tveir verkstaðir í september fyri lesandi á Setrinum
Í september verða tveir verkstaðir fyri lesandi á Setrinum, annar 13. september um Ð, hin 20.september um at fáa góðsku í sínar universitetsuppgávur
Lena Reinert á Føroyamálsdeildini fer 13. september frá klokkan 13:00 til 15:00 at hava verkstað fyri lesandi á Setrinum um Ð, sum kann vera tvørligt hjá mongum at handfara rætt í tekstum.
Verkstaðurin verður hildin á Føroyamálsdeildini í V.U. Hammerhaimbs gøtu 22, og pláss er fyri 15 lesandi.
Tilmelding er á heimasíðuni hjá teimum lesandi, sum eitur sessur.fo.
Melda til her.
20. september verður aftur verkstaður fyri lesandi á Setrinum.
Tá verður evnið, hvussu ein fær góðsku í sína universitetsuppgávu.
Bjørg Jacobsen stendur á odda fyri verkstaðinum, sum verður frá klokkan 13:00 til 15:00 á Søgu- og samfelagsdeildini í Jónas Broncks gøtu 25.
Melda til her.
