Ung og arbeiðsloysi í Norðurlondum
NORDREGIO - altjóða granskingardepil fyri regionala menning og planlegging við sæti í Stokkholm - hevur útgivið nýggja frágreiðing um støðuna hjá viðbreknum og marginaliseraðum ungdómi í útjaðaraøkjum í Norðurlondum
Frágreiðingin hyggur serliga at høvuðsorsøkunum til landafrøðiliga ójavnan hjá ungfólki í Norðurlondum í mun til fráfall í skúlanum, ungdómsarbeiðsloysi og sokallaðan NEET-ungdóm (“not in education, employment or training”).
Verkætlanin arbeiðir við spurningum, sum Nordic Arctic Working Group 2013-2017 setti ynski fram um at kanna nærri. Eisini Nordic Co-Operation Programme for Regional Development and Planning hevur saknað nýggja vitan um ungdóm og marginalisering í Norðurlondum. Verkætlanin vísir á, at tað er umráðandi at virka fyri at sosialari burðardygd í mun til regionala menning.
Verkætlanin knýtir seg at fjórða ST heimsmáli um burðardygga menning á tann hátt, at hon talar fyri, at tey ungu skulu hava ein týðandi leiklut í arbeiðinum fyri at røkka málinum. Tey eiga at hava atgongd til stóru avgerðirnar, sum skapa framtíðina.
Anna Karlsdóttir hevur ritstjórnað frágreiðingina, sum hevur heitið Enabling vulnerable youth in rural areas. Hinir høvundarnir eru Firouz Gaini, sum er granskari á Søgu- og samfelagsdeildini, Alex Cuadrado, Leneisja Jungsberg og Louise O. Vestergård.
Frágreiðingin er at finna her.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...