ÚSUN-skipanin verður ikki broytt kortini

ÚSUN verður ikki lagt um til lán kortini.

Fyrr í ár var talan um at leggja ÚSUN um til lán, um móttakarin av studninginum ikki kom heim aftur til Føroya innan eitt ávíst áramál.

Nú hevur Mentamálaráðið viðgjørt spurningin um umlegging av studningi partvíst til lán til føroyingar ið lesa uttanlands (ÚSUN) av nýggjum, og niðurstøðan er, at ongar ætlanir eru í løtuni um at broyta ÚSUN-skipanina.