Verkætlan millum Reykjavík, Tórshavn og Helsinki fingið stuðul

Verkætlanin 'Communicating in a New Culture: Survival Language through Mobile Devices' hevur fingið stuðul játtaðan frá Nordplus.

Hjalmar P. Petersen á Føroyamálsdeildini er knýttur at verkætlanini saman við Birnu Arnbjørnsdóttur (Háskóli Íslands) og Helgu Hilmisdóttur á deildini fyri Finskt-ugriskt og skandinaviskt í Helsinki.

Verkætlanin snýr seg serliga um at brúka teldur og menna forrit til on-line undirvísing í føroyskum og íslendskum, og at brúka tað tilfar, sum longu er tøkt og útvikla tað víðari. Hetta fer at gera tað lættari hjá serliga útlendingum at læra málini, og á tann hátt fáa størri møguleika at taka lut í tí føroyska samfelagnum og mentanini.