Í gróthúsinum oman fyri Landsbókasavnið er Setursskrivstovan hjá Fróðskaparsetrinum, har starvsstaður verður hjá KT-leiðaranum
Vilt tú vera KT-leiðari á Setrinum?
Starvið sum KT-leiðari á Føroya størsta vitanarstovni er leyst at søkja. Umsóknarfreistin er 20. juni
Vilt tú ganga á odda fyri talgildu menningini av Føroya størsta vitanarstovni við meira enn 180 undirvísarum, granskarum og fyrisitingarfólki og umleið 1000 lesandi?
Starvið sum KT-leiðari er eitt fjølbroytt og avbjóðandi leiðarastarv á okkara føroyska universiteti, sum er í stórari menning.
Tín leiklutur verður avgerandi fyri Setrið, har nýtslan av talgildum loysnum gerst alsamt meira umráðandi í undirvísing, gransking og okkara arbeiði annars.
Umhvørvið á Setrinum er merkt av framtakssinni, og vit leggja dent á at hjúkla um hesa mentanina, har áhaldandi læring og professionellur vøkstur er í miðdepli.
Les starvslýsingina her.
