Vilt tú vera við til at ávirka framtíðina á Setrinum?

Val av studentaumboði til stýrið verður mikudagin 12. januar 2011

Val av studentaumboði til stýrið verður mikudagin 12. januar 2011 á Setursskrivstovuni

Ovasti myndugleiki á Fróðskaparsetrinum er stýrið, ið telur 7 limir, sum landsstýriskvinnan í mentamálum tilnevnir.  Setrið skal sambært lógini koma við uppskoti um tríggjar limir, tvey starvsfólk og ein lesandi.  Hetta fer fram við vali á Setrinum.  Val av studentaumboði og einum eykaumboði til stýrið er á hvørjum ári.
 
Um tú verður vald/ur til studentaumboð í stýrið fyri Fróðskaparsetur Føroya, fært tú høvi til at mynda framtíðina á Setrinum umframt hollar royndir frá stýrisarbeiði, samstundis sum tú er lesandi á Setrinum.  Samsýningin fyri stýrisarbeiðið er 2000 kr/mð.

Val av studentaumboði til stýrið verður mikudagin 12. januar 2011 á Setursskrivstovuni. Vallistin hongur á deildum og skúlum Setursins.  Á listunum eru øll tey, sum hava valrætt og eru valbær.

Tey, sum stilla upp, skulu útfylla og undirskriva serligt skjal, sum skal vera Setursskrivstovuni í hendi í seinasta lagi 15. desember 2010 kl. 24.00.  Skjalið fæst á deildunum/skúlunum og  her

Reglugerðin fyri vali av starvsfólki og lesandi í stýrið fyri Fróðskaparsetur Føroya fæst her