Webinar um hægri lestur í Danmark

Mikudagin 18. februar verður eitt webinar um upptøku á hægri lestri í Danmark 2015.

Eitt webinar er ein talgildur fundur, sum byrjar við eini framløgu frá einum vegleiðara um eitt ávíst evni.
Síðani kunnu luttakararnir spyrja spurningar gjøgnum kjattið.

Fundurin/webinarið fyri føroyskar umsøkjarar verður mikudagin 18. februar frá kl. 16.00 til umleið kl. 17.30 og evnið er: Upptøka á hægri útbúgvingum í Danmark 2015 / Optagelse til videregående uddannelser i Danmark 2015.

Tosað verður millum annað um, hvussu mann søkir gjøgnum kvotu 1 og 2? Nær mann skal søkja gjøgnum kvotu 1 og 2? Hvat er serstakt fyri føroyskar umsøkjarar? Við ella uttan danskt cpr-nr. og heimasíðuna Optagelse.dk

Fyri at luttaka á fundinum, mást tú hava eina teldu ella ein teldil, sum hevur ljóð og samband við internetið.

Webinarið verður á hesum leinkinum.

Vegleiðarin, ið hevur framløguna, er Sanne Akraberg Højlyng frá eVejledning/ug.dk