Skiftislestur fyri lesandi á Setrinum

Altjóða Skrivstovan skipar fyri kunnandi tiltaki um skiftislestur

Droymir tú um at lesa í útlandinum í eitt stutt tíðarskeið, ella hevur tú hug at royna eitt nýtt lestrarumhvørvi? So átti tú møguliga at roynt skiftislestur. Kom og hoyr nærri um, hvussu hetta kann gerast veruleiki, og hvussu vit kunnu hjálpa tær ávegis. Altjóða Skrivstovan kemur at greiða frá møguleikum, mannagongdum og fyrireiking í sambandi við skiftislestur á Søgu- og samfelagsdeildini í Jónas Broncks gøtu 25, mikudagin 20. mars 2019, frá kl. 12.30 til kl. 13.00.