Atgonguskeið til B.Sc. í verkfrøði

Í august 2025 ber til at byrja á atgonguskeiðið á Setrinum, sum gevur beinleiðis atgongd til verkfrøði útbúgvingina á Náttúruvísindadeildini á Setrinum umvegis kvotu 2, umframt verkfrøðiútbúgvingar í Danmark.

Hevur tú bakgrund sum handverkari ella hevur arbeitt sum ófaklærdur handverkari í minst 2 ár, hevur tú møguleika at søkja inn á atgonguskeið til verkfrøði. Við hesum sleppur tú undan eini 3-ára gymnasialari útbúgving, sum vanligt er fortreyt fyri at verða tikin upp til verkfrøði lesnað.

Tú søkir við at senda umsóknarblaðið niðanfyri til umsokn@setur.fo

Umsóknarblað til atgonguskeið 

Umsóknarfreistin er 1. juli 2025 á middnátt. 

Kunning um skeiðið

Atgonguskeiðið er samskipað í samstarvi við Danmarks Tekniske Universitet, har meginparturin av undirvísingini gongur fyri seg á netinum í tíðarrúminum 08:30-12:30 hvønn gerandisdag. Vanliga eru 8 dagligar lektiónir, har 3-4 eru við undirvísara og 3-4 eru sjálvstudium.

Fakini sum eru partur av atgonguskeiðnum eru:

1.      Lestrarhálva: Støddfrøði B-støði, alisfrøði B-støði, danskt C-støði, enskt C-støði.

2.      Lestrarhálva: Støddfrøði A-støði, evnafrøði C-støði, danskt A-støði, enskt B-støði.

Eftir fyrstu lestarhálvu er skrivlig próvtøka í støddfrøði B og alisfrøði B.
Eftir seinnu lestrarhálvu er skrivlig próvtøka í evnafrøði C umframt munnlig og skrivlig próvtøka í fakunum støddfrøði A, danskt A og enskt B.

Undirvísingin er skipað soleiðis:

-          Skemaløgd floksundirvísing í tíðarrúminum 08:30-12:30 (onkrar dagar til klokkan 13:00)

-          Sjálvstøðugt arbeiði við pensum áleið 14 tímar um vikuna, har arbeitt verður við tekstum, uppgávuloysnum, v.m.

-          Heimaarbeiði sum inniber fyrireiking til undirvísing, innlatingar, stílar, frágreiðingar, v.m.

-          Hvørja lestrarhálvu verður skipað fyri 2 døgum við starvsstovuvenjingum. Hetta verður fyriskipað á staðnum á Náttúruvísindadeildini á Fróðskaparsetrinum.

Stórir partar av arbeiðinum ber til at leggja til rættis sum tað passar einum. Tó er uppmøtingarskylda til alla undirvísing. Eisini er partur av heimaarbeiðnum tvungin.

Krav er at ein hevur teldu við webcamera, hátalara og mikrofon, soleiðis at ein kann luttaka aktivt í undirvísingini.

GG! Um long tíð er fráliðin síðani ein gekk í skúla, skal væntast at iðka høgan innsats til bæði undirvísingina og heimaarbeiði.