2285.21 - Mikrobúskaparfrøði 1

2285.21

Mikrobúskaparfrøði 1

7,5

Staðið miðnám við B støði í støddfrøði. Førleiki frá Aðaltættir í Mikro og Støddfrøði 1 er ikki fortreyt men avgjørdur fyrimunur.

Endamálið við skeiðinum er at fyrireika tey lesandi til sjálvstøðugt at vera før fyri at lesa búskaparfrøðiligan faklitteratur og at brúka mikrobúskaparfrøðiliga metodu og hugsunnarhátt í greiningum av búskaparligum spurningum.

Mikro 1 gevur djúptøkna innleiðslu í búskaparfrøði við støði í tí, tey lesandi hava lært í ‘Aðaltættir í Mikro’ og í ‘Støddfrøði 1’. Skeiðið gevur innleiðslu í grundleggjandi hugtøk í búskaparfrøði og gevur teim lesandi innleiðslu í formligar, matematiskar greiningar av mikrobúskaparfrøðiligum spurningum. Í gjøgnumgongdini av ástøðum og myndlum verður áherðsla løgd á sambandið millum fortreytirnar, ið verða lagdar inn í ástøði og myndlar, og tey úrslit og niðurstøður, sum koma burturúr. Mikro 1 gevur teim lesandi innleiðslu í og fatan av búskaparligum avgerðum hjá tí einkulta aktørinum (húsarhaldi ella fyritøku) í einum marknaðarbúskapi við fullkomnari kapping. Strembað verður eftir at geva teim lesandi djúptøkna fatan av, hvussu brúkarar og fyritøkur uppføra seg á marknaðinum. Hetta førir til eina lýsing av búskaparligari heildarjavnvág og greining av vælferð við støði í grundleggjandi vælferðarlærusetningum.

Pensum verður gjøgnumgingið í fyrilestrunum og venjingartímum. Í venjingartímunum leggja tey lesandi fram loysnir upp á uppgávur í pensum, sum verða útlutaðar hvørja viku.

Tann lesandi skal eftir lokið skeið - innanfyri búskaparfrøðiligu rammuna av búskaparmyndlum við fullkomnari kapping - vera førur fyri: • At greina og rokna út marknaðarjavnvágir og broytingar í hesum, tá búskaparumhvørvið broytist • At skilja og endurgeva, hvussu rationellir brúkarar velja millum ymiskar møguleikar, treyta av prísum og inntøku • At greina og rokna út, hvussu atferð hjá brúkarum er treytað av teirra preferensum • At greina og rokna út, hvussu ein framleiðari velur eina framleiðsluætlan, tá hann vil maksimera sín profitt • At greina og rokna út heildarjavnvágir (Walras-javnvágir) í einum búskapi við tveimum aktørum (tveimum brúkarum ella einum brúkara og einari fyritøku) • At greina og rokna út Pareto-optimalar legur í einum búskapi

Skrivlig próvtøka á 3 tímar uttan hjálparmiðlar. Treytin fyri at sleppa til próvtøku er, at tann lesandi hevur staðið í minsta lagi tvær innlatingar.

Uttanhýsis

7-talsstigin

Verður tøkur á deildini

Hans Ellefsen