2289.22 - Mikrobúskaparfrøði 2

2289.22

Mikrobúskaparfrøði 2

7,5

Staðið miðnám við B støði í støddfrøði. Dokumenteraður førleiki frá Aðaltættir í Mikro, Støddfrøði 1 og Støddfrøði 2 er ikki fortreyt men avgjørdur fyrimunur.

Endamálið við skeiðinum er at fyrireika tey lesandi til sjálvstøðugt at vera før fyri at lesa búskaparfrøðiligan faklitteratur og at brúka mikrobúskaparfrøðiliga metodu og hugsunnarhátt í greiningum av búskaparligum spurningum.

Mikro 2 viðger formligar, matematiskar greiningar av mikrobúskaparfrøðiligum spurningum. Skeiðið leggur dent á at venja tey lesandi í sjálvstøðugari nýtslu av mikrobúskaparfrøði í greiningum av búskaparligum spurningum. Meðan Mikro 1 innihelt eina grundleggjandi viðgerð av búskaparmyndlum við fullkomnari kapping, so víðkar og litbrigdar Mikro 2 hesa viðgerð við at viðgera nøkur av teimum frábrigdum frá fullkomnum efficiensi, sum finnast í veruligum búskapum, men sum per konstruktión ikki eru partur av myndlunum av búskapum við fullkomnari kapping og tískil fult effisientum virkisførleika.

Pensum verður gjøgnumgingið í fyrilestrunum og venjingartímum. Í venjingartímunum leggja tey lesandi fram loysnir upp á útlutaðar uppgávur í pensum. Skrivlig miðskeiðis roynd á 3 tímar uttan hjálparmiðlar. Treytin fyri at sleppa til próvtøku er, at tann lesandi hevur staðið í minsta lagi tvær innlatingar.

Tann lesandi skal eftir lokið skeið vera førur fyri at brúka teoretisku hugtøkini og matematisku myndlarnar, sum eru gjøgnumgingnir í skeiðinum, til at: • Greina atferðina hjá fyritøkum við monopolmakt • Greina strategiskar støður í vanligum formi (‘normal form games’) og finna Nash-javnvágir • Greina strategiskar støðar í víðkaðum formi (‘strategic form games’) og finna ‘subgame perfect’ javnvágir • Greina atferðina hjá fyritøkum, sum eru í oligopolistiskari kapping á la Cournot, Bertrand ella Stackelberg • Greina atferð hjá brúkarum og fyritøkum í støðum við óvissu • Greina atferð og javnvágir á marknaðum fyri framleiðslumiðlar (‘factor markets’) • Greina, hvussu eksternalitetir í nýtslu ella framleiðslu ávirka atferð hjá brúkarum og fyritøkum, umframt hvussu til ber við ymsum politiskum átøkum at bøta um trupulleikarnar, ið standast av eksternalitetum • Greina avbjóðingar við framleiðslu og gagnnýtslu av felagsvørum (‘public goods’) • Greina støður við ósamskipaðari vitan (‘asymmetric information’) – herundir støður við ‘hidden action’ ella ‘hidden characteristics’

Skrivlig miðskeiðis roynd á 3 tímar uttan hjálparmiðlar. Treytin fyri at sleppa til próvtøku er, at tann lesandi hevur staðið í minsta lagi tvær innlatingar.

Uttanhýsis

7-talsstigin

Verður tøkur á deildini

Hans Ellefsen