B.Sc. í búskaparfrøði

• Lestrartíð 3 ár
• Deild Søgu- og samfelagsdeildin (SSD)
• Tal á Lesandi Uml. 25
• ECTS 180
• Lestrargjald (Fulltíðarlestur) Ókeypis fyri borgarar í danska ríkinum o.ø. Norðurlondum
• Lestrargjald (Stakgreinir) 200 DKK/ECTS

Endamál

Endamálið við útbúgvingini er at geva lesandi førleika til eftir lokna útbúgving at virka sjálvstøðugt sum búskaparfrøðingur/virkisfrøðingur ella fara undir víðari lestur á kandidat- ella masterstigi.

Dømi um vællærugreinir

• Altjóða handil
• Tilfeingisbúskapur
• Økonometri 2
• Nýskapan (Innovatión)
• Corporate Social Responsibility í føroyskum høpi
  
  

Skipan av útbúgvingini

Útbúgvingin er skipað sum 3-ára bachelorútbúgving eftir altjóða leisti, men sum nakað serstakt tekur útbúgvingin støði í føroyska samfelagnum og teimum viðurskiftum, føroyskir borgarar, fyritøkur og myndugleikar liva undir.

• 1. og 2. lestrarár eru skipað við grundskeiðum í búskaparfrøðiligum og virkisfrøðiligum evnum umframt skeiðum í støddfrøði og hagfrøði.
• 3. lestrarár er skipað við vallærugreinum, kravdum skeiði í vísindaástøði umframt bacheloruppgávu.
  
  

Innihald

Tey bæði fyrstu árini eru støðisár, har tú fært hollar førleikar í búskaparfrøði, virkisfrøði umframt støddfrøði og hagfrøði. Tú fært til dømis innlit í ástøði og praksis um:

• Strategi
• Fíggjarmarknaðir
• Búskaparvøkstur
• Búskaparsveiggj

Á triðja ári fært tú við valfakum og bacheloruppgávu møguleika at leggja serstakan dent á antin búskaparfrøðilig evni, sum til dømis búskaparfrøði um tilfeingisvinnur, ella virkisfrøðilig evni, sum til dømis Corporate Social Responsibility og Nýskapan (Innovatión).

Próvtøkur

Próvtøkur eru í desember/januar og í juni.

Upptøkutreytir

Treyt fyri upptøku er, at umsøkjari hevur miðnámsprógv við støddfrøði á B-stigi.

Verður søkt eftir kvotu 2, kunnu aðrar fortreytir við javnsettum kunnleikastøði góðtakast eftir nærri meting.

Framtíðarmøguleikar

Útbúgvingin gevur tær fjøltáttaður starvsmøguleikar innan almenna fyrisiting og í privatum fyritøkum.

Framhaldandi útbúgving

Sum Bachelor of Science in Economics and Management ert tú væl ílatin til víðari lestur á kandidat- ella masterstigi bæði í Føroyum og uttanlands.

Nærri kunning

Nærri kunning fæst við at venda tær til Hans Ellefsen, útbúgvingarleiðara, HansE@setur.fo