1393.22 - Autofiktión (BA)

1393.22

Autofiktión (BA)

10

Studenturin skal hava staðið fyrra part av BA í føroyskum. Til ber eisini at taka skeiðið sum stakskeið við øðrum fortreytum (víst verður til galdandi námsskipan).

Studentarnir ogna sær fatan av autofiktión sum tekstaslagi og kunnleika um paratekst, medialisering, fiktionalitet eins og serligu støðuna hjá høvundinum í hesum ritverkum. Haraftrat fáa studentarnir innlit í autofiktión sum granskingarevni, ið krossar mørkini ímillum fakta og fiktión (t. d. skaldsøgu og sjálvsævisøgu), við støði í hevdvunnari sjangrufatan. Studentarnir menna sínar førleikar at arbeiða greinandi og ástøðiliga við autofiktión sum tekstaslagi í norðurlendskum høpi.

Autofiktión sum tekstaslag verður lýst við støði í føroyskum og norðurlendskum verkum. Ástøðiligir tekstir verða lisnir og settir í samband við autofiktión og autofiktionella rákið í bæði søguligum og nútíðarligum høpi.

Lærara- og studentaframløgur, bólkaarbeiði og kjak.

Tá skeiðið er lokið, er tann lesandi før/ur fyri at: - greiða frá høvuðstáttunum í autofiktión - greiða frá granskingarøkjum í samtíðini og seta tey í samband við nýggjar autofiktivar bókmentir - nýta tey frøðiheiti, ið hoyra til nevnda granskingarøkið - greina autofiktión við støði í ástøðiliga tilfarinum og í norðurlendskum høpi.

Munnlig próvtøka.

Uttanhýsis

7-talsstigin

Verk. Silvia Henriksdóttir. 2011. Sig at du lyver. William Smith. 2015. Hinumegin garðin. Høgni Mohr. 2017. Fractura nasi. Geir Gulliksen. 2017. Historie om et ægteskab. Greinar. Gérard Genette, Stig Hjarvard, Johnny Kondrup, Philippe Lejeune, Stefan Iversen, Henrik Skov Nielsen, Poul Berendt, Lilian Munk Rösing, Stefan Kjerkegaard, Franz K. Stanzel, Tzvetan Todorov, Richard Walsh o.o. Eisini ymiskt tilfar, ið hoyrir paratekstinum til verður partur í undirvísingini. Fullfíggjaður bókmentalisti verður útflýggjaður við skeiðsbyrjan.

Zakaris Svabo Hansen