1394.22 - Norn og máldeyði (BA)

1394.22

Norn og máldeyði (BA)

10

Studenturin skal hava staðið fyrra part av BA í føroyskum ella samsvarandi. Til ber eisini at taka skeiðið sum stakskeið við øðrum fortreytum (víst verður til galdandi námsskipan).

Endamálið er, at tann lesandi ognar sær grundleggjandi kunnleika um máldeyða við serligum denti á norn og málskiftið frá norn til skotskt.

Tematiskt er skeiðið í tveimum. Annar parturin snýr seg um útdeyða málið norn og keldur tess, serstakliga Hildinakvæði. Hin parturin er ein almenn innleiðsla í fyribrigdið máldeyða við serligum atliti at norn og máldeyða tess.

Undirvísingin verður skipað sum læraraframløgur, framløgur hjá teimum lesandi og kjak.

Eftir lokið skeið er tann lesandi før/ur fyri at: • greiða frá máldeyða og týðandi hugtøkum, ið hartil hoyra • greiða frá norn og teimum keldum, ið finnast til hetta útdeyða mál • greina máldeyða tess við ástøðiligum hugtøkum

Skrivlig próvtøka í 6 tímar.

Uttanhýsis

7-talsstigin

Verður útflýggjaður við lestrarbyrjan og lagdur á Moodle.

Zakaris Svabo Hansen