1306.13 - Ævintýragreining (BA)

1306.13

Ævintýragreining (BA)

10

Tann lesandi skal hava lokið støðisnám í føroyskum.

Skeiðið skal geva vitan um gandaævintýr sum søguslag í Føroyum og Europa.

Ævintýr eru munnlig frásøgulist, savnað og útgivin á prenti í stórum tali seinastu 200 árini. Vit meta brøðurnar Jakob og Wilhelm Grimm at vera undangongumenn í hesum arbeiði. Í Føroyum savnaði og gav Jakob Jakobsen út ævintýr í 1890 árunum. Gandaævintýr eru ein høvuðsbólkur av ævintýrum, og tey sum hava havt størst áhuga hjá granskarum og fólki annars. Skeiðið viðger kritiskt ymisk ástøði og ymiskar fatanir av gandaævintýrum bókmentaliga, strukturelt, sálarfrøðiliga og mentanarliga og arbeitt verður við greiningum av kendum og minni kendum føroyskum gandaævintýrum. Føroysku ævintýrini verða greinað sum partur av norðurlendskari og europeiskari ævintýrafrásøgn. Dentur verður lagdur á samanberandi merkingargreining, ævintýrini verða lýst í mentanarligum og samfelagsligum baksýni og kjakast verður um samband millum frásøgufólk og frásagnir.

Læraraundirvísing og studentaframløgur.

Studentarnir menna førleikar til ymiskar greiningarhættir av ævintýrum og skula fáa innlit til sjálvstøðugar metingar av søguslagnum.

Skrivlig roynd í 6 tímar

Uttanhýsis

13-talsstigin

Tekstasavn: J. Jakobsen: Færøske Folkesagn og Æventýr. Nýggjasta útgáva: Tórsshavn 2009. Ástøði: Bengt Holbek: Interpretation of Fairy Tales. København 1987 Eyðun Andreassen: Ævintýr. Ymsar greinir og bókapartar. Pensum: 500 normalsíðir til samans.

Eyðun Andreasen