1312.14 - Myndamál, semiotikkur (BA)

1312.14

Myndamál, semiotikkur (BA)

10

Studenturin skal hava staðið fyrra part av BA-náminum í føroyskum ella hava samsvarandi fortreytir.

At veita tí lesandi grundleggjandi innlit í myndamál í breiðari merking, men serliga føroyskt myndamál og at læra tann lesandi at identifisera, skilja og nýta myndamál, t.e. at veita innlit í bygnaðin handan málið, hvussu vitanin um heimin verður framborin, t.e. bólkað, samansett o.s.fr., áðrenn hon verður til sum mál. Veita innlit í yrkismálið, sum verður nýtt á hesum øki.

Ásannandi, at mál í stóran mun er myndamál, fara vit at lesa ástøðiligar tekstir og viðgera livandi føroyskt mál fyri á tann hátt at fáa innlit í týdningin av myndamáli. Skeiðið lýsir, hvussu heimurin ótilvitað verður bólkaður, hvussu bólkingin verður til hugtøk og hugskipanir og síðan, hvussu hugtøk og hugskipanir koma til sjóndar í málinum sum myndamál. Ein partur av skeiðinum er ein grundleggjandi innleiðsla um upprunan at hugtakinum hugskipan (enskt: 'schemata'), og hvussu hetta er í analogi við tað, vit síggja innan vísindaástøði.

Undirvíst verður tríggjar tímar um vikuna várhálvuna 2014. Undirvísingin verður skipað sum læraraframløgur og framløgur hjá tí lesandi. Harumframt verður skift millum kjak í bólkum og felags kjak í plenum um serligar og frammanundan orðaðar spurningar.

Tá ið skeiðið er lokið, hevur tann lesandi ognað sær grundleggjandi ástøðiliga og verkliga vitan um myndamál. Við hesari vitan skal hann kunna: • Greiða frá myndamáli og greina lættar tekstir við myndamálsástøði. • Lýsa fyribrigdið metaforar og duga at meta um teir. • Vísa á teir strukturarnar, sum eru virknir í málinum. • Nýta fakmálið, sum knýtir seg at lærugreinini. • Meta um ástøðið og háttalagið, sum hevur samband við evnið.

Skriva eina bundna 3 viku heimauppgávu (10-15 bls.) um eitt evni, sum er umboðað á lestrarlistanum, ið tú gevur upp.

Uttanhýsis

13-talsstigin

Jógvan í Lon Jacobsen