1046.16 - Norðurlendskt mál - Svenskt

1046.16

Norðurlendskt mál - Svenskt

2

Bókligt (t.e. gymnasialt) miðnámsprógv við góðum próvtali (svarar til minst 5,8 í miðal eftir 7-talsstiganum/8 í miðal eftir 13-talsstiganum) í føroyskum.

Endamálið við Svenskum er at seta svenska málsøgu inn í ein størri norðurlendskan samanhang. Skeiðið er ætlað sum uppískoyti til frálæruna í málsøgu við tí endamáli, at studenturin ognar sær grundleggjandi vitan um menningina hjá svenskum frá umleið 1300 til nútíðina.

Lisið verður eitt hóskandi úrval av tekstum, sum umboða ymisk tíðarskeið, samstundis sum ymisk ástøði og háttaløg verða umrødd. Høvuðsdenturin liggur í tí málsøguliga partinum, men samtíðarlig viðurskifti, t.d. dialektir og samfelagsmálvísindi, kunnu eisini verða tikin við sum partur av frálæruni.

Frálæran fer fram sum sjálvstøðugt intensivt skeið við gestalærara, og tí ber ikki til at áseta, nær skeiðið verður hildið. Skeiðið er 15 tímar. Undirvísingin fer í høvuðsheitum fram sum fyrilestrar, studentaframløgur og við bólkarbeiði.

Studenturin skal vera førur fyri at • greiða frá grundleggjandi málsøguligum (í minni mun dialektalum og samfelagsmálvísindaligum) fyribrigdum í svenskum • greina munir og líkleikar millum svenskt og føroyskt • umrøða viðkomandi spurningar fakliga dygt og kunna miðla sína vitan um svenskt munnliga eins væl og skrivliga

Munnlig próvtøka við hálvtíma fyrireiking verður hildin, tá ið skeiðið er liðugt. Hjálparamboð eru uppgivnir tekstir og orðabøkur. Lærarin, sum hevur havt skeiðið, ella ábyrgdarlærarin hevur studentin til próvtøku. Um studenturin fylgir 80% av tímunum og er virkin í undirvísingini, sleppur hann/hon frá próvtøku. Endurpróvtøka: Eins og reglulig próvtøka Studentur, ið tekur eitt norðurlendskt summarskeið uttanlands (Nordkurs), kann fáa tað góðskrivað fyri tey bæði norðurlendsku skeiðini á deildini, um hann/hon vil tað.

Innanhýsis

P-talsstigin

Til próvtøkuna gevur studenturin upp tað tilfar, sum lisið er á skeiðinum, ella 50 síður.

Zakaris Svabo Hansen