1135.18 - Bókmentagreining II

1135.18

Bókmentagreining II

5

Bókligt (t.e. gymnasialt) miðnámsprógv við góðum próvtali (svarar til minst 5,8 í miðal eftir 7-talsstiganum/8 í miðal eftir 13-talsstiganum) í føroyskum, umframt Bókmentagreining I.

Studenturin skal ogna sær hollan kunnleika um greiningarhugtøk og tekstgreining við serligum denti á at greina tvey av teimum fagurbókmentaligu høvuðstekstsløgunum gjølla og harumframt hegni at greina høvuðseyðkennini í yrkisteksti.

Lisnar verða grundbókmentir í tekstgreining, serliga við atliti at tveimum av teimum fagurbókmentaligu høvuðstekstsløgunum. Lisin og greind verða ymisháttað dømi um serliga tvey av teimum fagurbókmentaligu tekstsløgunum og haraftrat dømi um yrkislig tekstsløg.

Undirvíst verður 2 tímar um vikuna í eina lestrarhálvu. Undirvísingin er skipað sum floksundirvísing við lærara- og studentaframløgum, skrivligum venjingaruppgávum og bólkarbeiði.

Studenturin skal duga at • greina skaldsligar tekstir av tveimum av høvuðstekstsløgunum gjølla og haraftrat yrkisligar tekstir í høvuðsheitum • greiða gjølla frá eyðkennunum hjá tveimum av høvuðstekstsløgunum og haraftrat eyðkennunum hjá yrkisligum tekstum í høvuðsheitum • lýsa tilgongdina í egnum tekstgreiningum í tveimum av skaldsligu høvuðstekstsløgunum og haraftrat yrkisligum teksti • seta fram greiningarúrslit um tvey av skaldsligu høvuðstekstsløgunum og haraftrat yrkisligan tekst munnliga og skrivliga í hóskandi málsligum búna.

Skrivlig roynd í 5 tímar í ókendum teksti, sum verður útflýggjaður. Loyvd hjálparamboð: Allar orðabøkur.

Uttanhýsis

Bergur Djurhuus Hansen