6751.21 - Føroyskt II

6751.21

Føroyskt II

15

Treytin fyri at taka skeiðið er, at tann lesandi er innskrivað/ur til lestur sum lærari á Námsvísindadeildini

Endamálið er, at tann lesandi fær eina greiða fatan av, hvussu arbeiðast kann við ymiskum tekstasløgum (víðkaða teksthugtakið) í undirvísingarhøpi so førleikamálini í námsætlanini føroyskt 7. til 10. flokstrin kunnu náast. Endamálið er somuleiðis, at tann lesandi sjálvstøðugt megnar at gruna um tekstir og samskifta um hesar bæði í undirvísingarhøpi í skúlanum og í fakligum høpi millum starvsfelagar.

Skeiðið er í sjey høvuðspørtum. Hvør partur hevur sítt egna evnisinnihald. Partarnir byggja á hvønn annan, og teir verða leinkjaðir sum frá líður. Í øllum pørtunum er fakdidaktiska sjónarhornið stýrandi. Partarnir eru hesir: a. Bókmentasøga b. Bókmentagreinir og greiningarhugtøk c. Bókmentadidaktikkur og snið d. Greining og tulking av fagurbókmentum e. Viðgerð og meting av yrkisbókmentum f. Fjøltáttað tekstasløg g. Eginframleiðsla av tekstum

Fyrilestrar, cooperativar undirvísingartilgongdir, evnisarbeiði, arbeiði við útvaldum casum, kjakbólkar, sjálvstøðugar arbeiðsuppgávur, ymiskar skrivivenjingar, einstaklings- og bólkaframløgur.

Við skeiðslok skal tann lesandi megna at • greiða frá bókmentaligum høvuðsrákum í evropeiskum og føroyskum høpi • greiða frá bókmentasløgunum og teirra sínámillum samband • greina og viðgera fagur- og yrkisbókmentaligar tekstir • meta um tekstir og teirra leiklut í einum breiðum bókmenta- og miðlahøpi • grunda yvir og kjakast um bókmentalig evni í einum undirvísingarligum høpi, ið er beinleiðis knýtt av førleikamálunum í námsætlanini fyri føroyskt í hádeild fólkaskúlans. • brúka og meta um gagnliga nýtslu av fjøltáttaðum tekstasløgum í undirvísingarligum høpi • at stíga fram og halda stytti framløgur um bókmentalig evni.

Próvtøkan er í fýra pørtum: 1. Tann lesandi skal miðskeiðis í skeiðnum í bólki á 3 ella 4 leggja fram eitt sjálvvalt verk og gruna yvir møguleikarnar við verkinum í undirvísingarhøpi í hádeild fólkaskúlans. Framløgan er treyt fyri at sleppa til pkt. 3. og 4. í próvtøkuni. 2. Tann lesandi skal einsæris leggja fram tillutað evni úr bókmentasøguni og framleiða PP til flokkin um evnið. Framløgan er treyt fyri at sleppa til pkt. 3. og 4. í próvtøkuni. 3. Tann lesandi skal einsæris ger eina skrivliga synopsu um eitt sjálvvalt verk ella evni og hvussu hetta kann nýtast í undirvísingarhøpi. Evnið ella verkið kann ikki vera tað sama sum í pkt. 2. 4. Í eini munnligari próvtøku skal tann lesandi leggja fram evnini og ætlanirnar í synopsuni. Tey, ið ikki standa royndina, fara til endurpróvtøku eftir á undan summarsteðginum 2022. Í sambandi við endurpróvtøkuna hevur tann lesandi rætt til eina munnliga vegleiðing. Givin verður eitt samlað próvmet fyri synopsis og munnliga samrøðu.

Uttanhýsis

7-talsstigin

Tit fáa lestrarlista, tá skeiðið byrjar. Lestarlistin verður tillagaður eftir tørvi.

Páll Isholm