7566.18 - Smíð: lærugreinin, fakdidaktikkur, trygdarskeið, maskinur og amboð

7566.18

Smíð: lærugreinin, fakdidaktikkur, trygdarskeið, maskinur og amboð

10

At lesandi er innskrivaður á NÁD

Endamálið í linjugreinini er: • at menna tann lesandi inneftir, so hann/hon kann víðka sína fatan og dugnaskap í lærugreinini • at menna tann lesandi úteftir, so hann/hon kann fáa førleikar at leggja til rættis fjøltáttaða undirvísing til næmingar á ymiskum støði • at geva tí lesandi grundleggjandi vitan um handamboð og el-­maskinur • at geva tí lesandi trygdarskeið í at nýta el-­maskinur

Umframt eina grundleggjandi innleiðslu í lærugreinuna og tess fakdidaktikk, verður dentur lagdur á trygdarskeið og at læra grundleggjandi førleikar og nýtslu av handamboðum og maskinum. Viðkomandi tilfar verður lisið við tilhoyrandi skrivligum og munnligum uppgávum.

Undirvísingin verður skipað soleiðis, at skift verður ímillum fyrilestrar, vegleiðing, einstaklingauppgávur, felagsuppgávur og eksperimenterandi virksemi. Dentur verður lagdur á at fáa virknar luttakarar, og roknað verður við høgum luttakaravirksemi. Tað er møtiskylda til allartímar. Er tað so, at ein lesandi misrøkir møtiskylduna uttan haldgóða grund, kann gerast neyðugt, at sýta tí lesandi at fara til próvtøku.

Við støði í áðurnevndu læru-­ og undirvísingarhættum skal tann lesandi: • megna at siga frá um læruhættir, handverksførleikar, maskinførleikar, tilfarskunning, trygd og vandar á teimum aldursstigum, undirvíst verður á • Vísa at hon/ hann skilir og dugir at greina tey evni, sett eru í kortið til ymsu aldursbólkarnar • Vera før/førur fyri, á tryggan og skynsaman hátt, at leggja til rættis eina undirvísing, fremja hana og tryggja, at næmingarnir fáa eina læruríka og haldgóða heildaruppliving av lærugreinini.

Skeiðið endar við: • Standa royndinar í trygdarskeiðinum • Bólkauppgáva (møguliga 48-­tíma uppgáva) og framløga fyri linjuni. Nærri verður greitt frá uppgávuni á skeiðinum.

Innanhýsis

P-talsstigin

Verður útflýggjaður við skeiðsbyrjan