7525.11 - Heilsa og heilsupedagogikkur

7525.11

Heilsa og heilsupedagogikkur

4

Treytin fyri at luttaka á skeiðinum er, at tann lesandi hevur staðið 1. og 2. lestrarár á námsvísindadeildini

Endamálið við skeiðnum er, at tey lesandi skulu:  fáa hollan kunnleika um kostráðini, ið Fólkaheilsuráðið hevur almannakunngjørt. • megna at breiða út sunnar kostvanar til (1) børn og til búfólk á stovni og (2) tey, sum vara av børnum og búfólkum  kunna leggja til rættis, fremja í verki og eftirmeta tiltøk, ið hava til endamáls at gera heilsugóðar máltíðir á barnagarðs- og stovnsøkinum

Skeiðið er skift sundur í 6 sjálvstøðugar og tó samfastar eindir: 1) Matur og máltíðir 2) Matmentan 3) Kostráð 4) Heilsupolitikkar 5) Tiltøk og heilsuátøk, sapere 6) Reinføri í køkinum

Fyrilestrar, sjálvlestur, bólkaarbeiði, framløgur, uppgávur og verkligar uppgávur. Tey lesandi hava møtiskyldu. Um so er, at ein lesandi misrøkir møtiskylduna uttan haldgóða grund, kann lærarin sýta honum at fara til próvtøku

Táskeiðið er lokið skal, skal hin lesandi: • duga at seta orð á kostráðini, ið eru tilmæld • duga at formidla sunnar kostvanar til ein ávísan bólk • megna at leggja til rættis sunnar máltíðir á barnagarði og stovni • megna at gera sunnar máltíðir og skipa aktivitetir við mati á barnagarði og stovni • duga at meta um heilsuátøk eru egnaði til ein ávísan bólk

Fyri at standa skeiðið skal tann lesandi taka virknan lut í undirvísingini. Hetta merkir, at hon/hann skal møta upp og loysa tær uppgávur, ið eru partar av skeiðinum.

Innanhýsis

P-talsstigin

Lesandi fáa lestarlista tá skeiðið byrjar

Gudna á Rógvi Joensen