7705.11 - Skúlabúgving og innskúling - yrkisrættaður partur
Skeiðsnummar
7705.11
Heiti
Skúlabúgving og innskúling - yrkisrættaður partur
ECTS
10,5
Fortreytir
Treytin fyri at taka skeiðið er, at tann lesandi hevur staðið tvey ára lestur á námsvísindadeildini.
Endamál
Hetta skeiðið er starvsrættað. Tey lesandi skulu (1) ogna sær vitan um, hvussu ein arbeiðir við børnum, ið eru í skúlabúgvingar- og/ella innskúlingaraldri og (2) menna sínar førleikar at skipa pedagogiskt virksemi, ið fakliga, didaktiskt, sosialt og kreativt er rættað ímóti hesum málbólki.
Innihald
• Lógarverk
• Didaktiskar tilgongdir
• Undirvísingarhættir
• Næmingalagað undirvísing
• Verkætlanararbeiði í praksis
• Virksemi í eini undirvísingar- og menningarstøðu
• Fakliga støði, bæði í skúlabúgving og í innskúling
• Eftirmeting
• Sosialisering
• Samskifti og samstarv millum lesandi/børn og lesandi/starvsfelagar
• Virksemi í einum stovni og/ella á einum skúla
Læru- og undirvísingarhættir
Starvslæra og eftirmeting.
Læruúrtøka
Við skeiðslok skal tann lesandi:
• Kunna arbeiða verkliga og ástøðiliga í starvslæru á einum dagstovni, skúla (innskúling) ella frítíðarskúla.
• Megna kritiskt og tulkandi at taka støði í teimum lógum, kunngerðum og reglugerðum, ið eru galdandi á dagstovnaøkinum og/ella fólkaskúlaøkinum
• Megna at arbeiða greinandi og tulkandi við námsætlanum sum grundarlag fyri námsfrøðiliga virkseminum.
• Duga at fyrireika eina didaktiska verkætlan í neyvum samstarvi við starvslæraran, har lagt verður upp fyri, at børn læra og mennast á ymiskan hátt.
• Megna at taka atlit at menningarstøði og fortreytum hjá galdandi aldursbólki.
• Duga at greina, hvussu fakliga undirvísingin verður skipað í innskúlingini.
• Kunna greina menningartilgongdina í skúlabúgvingini og herundir hvønn leiklut, fakliga menningin hevur.
• Megna at samstarva við starvsfelagar, námsfrøðingar og lærarar.
• Kunna greina teir ymisku faktorarnar, ið eru við til at sosialisera skúlabarnið
• Duga at arbeiða við pedagogiskari skjalfestan (dokumentation), bæði í mun til arbeiðið við næmingunum og í mun til verkætlanina hjá tí lesandi
• Duga at nýta eftirmeting sum ein natúrligan part av undirvísingini og didaktisku tilgongdini hjá tí lesandi.
• Megna at virka og samskifta við næmingarnar/børnini við atlit at skapa eitt mennandi og læruríkt umhvørvi (eisini í mun til næmingalagaða undirvísing)
Próvtøkuháttur
Próvtøkan verður framd av starvslærara og avvarandi faklærara.
Próvtøkan verður mett einsæris.
Endurpróvtøka verður lýst í serstøkum skjali.
Próvdøming
Innanhýsis
Próvtalsstigi
P-talsstigin
Ábyrgd
Annika Antoniussen