6750.21 - Føroyskt I - samskifti og mál

6750.21

Føroyskt I - samskifti og mál

15

Treytin fyri at taka skeiðið er, at tann lesandi er innskrivað/ur til læraralestur á Námsvísindadeildini

Endamálið er, at tann lesandi fær eina greiða fatan av, hvussu móðurmálið virkar sum ein grundleggjandi partur av samskifti manna millum á ymiskum pallum. Eisini tvørgangandi. Endamálið er somuleiðis, at tann lesandi sjálvstøðugt megnar at gruna um málsligar spurningar og samskifta um hesar bæði í undirvísingarhøpi í skúlanum og í fakligum høpi millum starvsfelagar.

Skeiðið er í sjey høvuðspørtum. Hvør partur hevur sítt egna evnisinnihald. Partarnir byggja á hvønn annan, og teir verða leinkjaðir sum frá líður. Partarnir eru hesir: a. Tær fimm samskiftismentanirnar b. Málbroyting og málrøkt c. Málamót og grannamál d. Máltøkni og hjálpiamboð e. Málføri og nøvn f. Mállæra og málærufrálæra g. Skrivaða málið og eftirmetingar

Fyrilestrar, cooperativar undirvísingartilgongdir, evnisarbeiði, arbeiði við útvaldum casum, kjakbólkar, sjálvstøðugar arbeiðsuppgávur, ymiskar skrivivenjingar, einstaklings- og bólkaframløgur.

Við skeiðslok skal tann lesandi megna at • greiða frá málsligari menning í einum søguligum samskiftishøpi • greiða frá sambandinum millum føroyskt og grannamálini • greina málsligar broytingar og rák í føroyskum • meta um málnýtslu á ymiskum samskiftispallum • brúka og meta um gagnliga nýtslu av tøki og serstakliga máltøkni í einum undirvísingarligum høpi • grunda yvir og kjakast um málslig evni í einum undirvísingarligum høpi • at stíga fram og halda stytti framløgur um málslig evni

Próvtøkan er í trimum pørtum. Lesandi skal: - Í eini framløga um eitt tillutað málsligt evni miðskeiðis í skeiðstíðarskeiðnum vísa hegni at handfara málsligar spurningar. - Í eini poddvarpframleiðslu ætlað hádeild fólkaskúlans viðgera og leggja fram eitt málsligt evni frá undirvísingini á skeiðnum. Nærri lýsing av treytunum verður gjørt í samstarvi við undirvísaran. - Í eini stuttari skrivligari frágreiðing greiða frá teimum valum gjørd eru í poddvarpsframleiðsluni, og hvussu royndirnar kunnu brúkast í eini undirvísingargongd í hádeild fólkaskúlans. Tey, ið ikki standa royndina, fara til endurpróvtøku eftir jólafrítíðina 2021. Í sambandi við endurpróvtøkuna hevur tann lesandi rætt til eina munnliga vegleiðing.

Innanhýsis

P-talsstigin

Tit fáa lestrarlista, tá skeiðið byrjar. Lestarlistin verður tillagaður eftir tørvi.

Páll Isholm