7064.19 - Tøl og geometri

7064.19

Tøl og geometri

15

Endamálið við skeiðinum er at fyrireika tey lesandi at undirvísa í støddfrøði upp til 10. floksstig.

Tøl: • bygnaðurin í talskipanini og talnýtsla í smb. við undirvísing í talskipanini • hugtaksfatan og hugtaksmenning í smb. við tøl, roknihættir og algebra • ástøði og mannagongdir við loysn av líkningum og líkningsskipanum. Geometri: • plan- og rúmgeometri • klassisk geometri og trigonometri • konstruktión og próvførsla. Alment: • avmarkingar og møguleikar í fakligum og fakdidaktiskum samanhangum • ymsir arbeiðs- og hugsunarhættir, við denti á kreativar eksperimenterandi tilgongdir • leggja til rættis undirvísingargongdir og viðgera møguleikar við næmingalagaða undirvísing • viðgera og meta um undirvísingartilfar • KT er partur av arbeiðinum á skeiðinum og dentur verður lagdur á, hvussu KT kann nýtast í einum didaktiskum umhvørvi.

Bólkaarbeiði, floksarbeiði, fyrilestur, undirvísingarvenjing, framløgur og kjak.

Tá skeiðið er lokið, skal tann lesandi megna at: • Undirvísa eftir galdandi námsætlan fyri støddfrøði í fólkaskúlanum upp til 10. floksstig • Fyrireika undirvísingargongdir, umframt at meta um hesar og eftirmeta tær • Fyrireika og fremja motiverandi og hugkveikjandi undirvísing í støddfrøði • Skilja, brúka, velja og umseta millum ymsar umboðsformar (repræsentationsformer) • Hugsa matematiskt og argumentera matematiskt innan vald evni • Finna og greina grundleggjandi faklig og fakdidaktisk viðurskifti • Meta um møguleikar og avmarkingar í sambandi við nýtslu av einum breiðum úrvali av hjálparamboðum, herundir KT.

Gjøgnum skeiðið hava tey lesandi framløgur og smærri skrivligar uppgávur, sum skulu vera svaraðar og góðtiknar fyri at standa skeiðið. Eftirmetingin byggir á eina uppgávu og á framløgu.

Uttanhýsis

7-talsstigin

Hans Jørgen Beck et.al, Matematik for Lærere Grundbog 1A, 2008, Grundbog 1B, 2009, við tilhoyrandi arbeiðsbókum, og Matematik for Læ-rere Grundbog 3, 2012, Gyldendal. Pernille Pind, Matematik for alle – Håndbog i matematikundervisning 1.udgave 2009, Forlaget Pind og Bjerre. Morten Blomhøj, Fagdidaktik i matematik, 2016, Frydenlund. Harumframt supplerandi tilfar.

Rúna Hilduberg