7126.17 - Føroyskt grundskeið, fyrsti partur

7126.17

Føroyskt grundskeið, fyrsti partur

9

at lesandi er innskrivaður til lestur á NÁD

Endamálið við skeiðinum er at fyrireika tey lesandi til at undirvísa 1. til 6. flokk í føroyskum.

• Tekstteori, hvat ein tekstur er, ymisk háttaløg, tekstasløg – frá fiktión til multimodalitet, greiningaramboð og barnabókmentir • Teksturin í undirvísingini, munnligir og skrivligir førleikar, ymsir lesi- og arbeiðshættir, munnliga og skrivliga undirvísingin, bókmentaliga samrøðan, dialogisk lesing, sjangrulesing og -skriving, bókmentanámsfrøði, námsfrøðilig amboð til móðurmálsundirvísing • Talumál og skriftmál, tvímæli/og fleirmæli • Mál sum samskiftisamboð, mál sum samleika-, mentanar- og vitanarberi, literasi og narrativitetur, • Skrivinámsfrøði, frá søgu—til sjangruskriving. • At rætta, bøta og menna næmingaavrik • Akademiskt skrivingarlag • Amboð í undirvísingarhøpi, karmar um undirvísingina – námsætlan, ársætlan og undirvísingargongdir, ymisk viðkomandi forrit (til framløgur & til upptøku av ljóði og myndum), talvunýtsla og kunning um tilfar Alment: • viðger og meting av tí, sum námsætlanin sigur um føroyskt í fólkaskúlanum. • undirvísingartilfar til føroyskt í fólkaskúlanum. • úr einum móðurmálsdidaktiskum sjónarhorni verður dentur lagdur á næmingalagaða undirvísing og undirvísing av næmingum við ymsum fortreytum, trupulleikum ella málsligum avbjóðingum. • dentur verður lagdur á at leggja til rættis úrvaldar undirvísingargongdir. • kunnleiki til ymiskar eftirmetingarhættir og grundgevingar fyri teimum, og hvussu teir verða brúktir, er partur av undirvísingini. • arbeiðið við royndum og testum í fólkaskúlanum er partur av undirvísingini. • tey lesandi skulu megna at meta um avmarkingar og møguleikar í fakligum og didaktiskum høpi. • Dentur verður lagdur á, at tann lesandi fær innlit í KT-tøknina, og hvussu henda kann nýtast í einum didaktiskum umhvørvi.

Skift verður ímillum bólkaarbeiði, floksarbeiði, fyrilestur, skrivligar uppgávur, undirvísingarvenjing, framløgur og kjak

Tá skeiðið er lokið, skulu lesandi megna at: • greina munin á talu- og skriftmáli • greina ymisku bókmentaligu háttaløgini • at skyna á, hvat ein tekstur er og at gera mun á ymiskum tekstasløgum • brúka hóskandi greiningaramboð í mun til tekstaslag • greina barnabókmentir • brúka og greina frásagnarhættir og ymsar stíllegur • brúka ymiskar skrivinámsfrøðiligar arbeiðshættir • rætta, bøta og menna skrivlig næmingaavrik • greiða frá rættingum og ábótum • brúka akademiskt skrivingarlag • orða seg greitt og neyvt í skrivligum avrikum • megna at brúka málið sum samskiftismál á hóskandi hátt í ymsum støðum • greina literasi og tess týdning • greina tví- og fleirtali og tess týdning • greina grundleggjandi faklig og fak-didaktisk viðurskifti innan móðurmálsundirvísing í fólkaskúlanum, • nýta hesa vitan til at fyrireika undirvísningargongdir, umframt at meta um hesar og eftirmeta tær, • halda seg til galdandi námsætlan fyri føroyskt í fólkaskúlanum, • tilogna sær førleikar at meta um vald evni innan móðurmálsundirvísing í fólkaskúlanum, • meta um møguleikar og avmarkingar i fakligu og fakdidaktisku evnunum, sum verða vald, • fyrireika, fremja og eftirmeta undirvísing í føroyskum, ið kveikir forvitni og áhugan hjá næmingum fyri føroyskum, • meta um møguleikar og avmarkingar í brúkinum av einum breiðum úrvali av hjálparamboðum, herundir KT, • grundgeva undirvísing, sum umfatar tilognan næminganna av vitan bæði ígjøgnum munnligar, skrivligar og KT-grundaðar móðurmálsligar framløgur.

Skrivlig próvtøka á 6 tímar.

Uttanhýsis

7-talsstigin

Tann lesandi fær bókmentalista, tá skeiðið byrjar.

Lydia Didriksen