7702.10 - Estetiskar lærutilgongdir
Skeiðsnummar
7702.10
Heiti
Estetiskar lærutilgongdir
ECTS
13,5
Endamál
Í hesum skeiði fara tey lesandi at ogna sær vitan um estetiskar námsgreinir, og hvussu estetiskar lærutilgongdir kunnu nýtast í barnagarði og í skúla.
Endamálið við skeiðnum er, at tey lesandi skulu
• duga at skyna á formligum og óformligum lærutilgongdum
• fáa holla vitan um, hvat eyðkennir estetiskar lærutilgongdir
• læra at hugsa kreativit og innovativt, tá ið tað snýr seg um at skapa góðar menningarumstøður og hugspennandi læringsuppgávur á stovni og í skúla
• megna at leggja eina estetiska verkætlan til rættis, at fremja hana í verki og at eftirmeta úrslitið
Innihald
Skeiðið er skift sundur í ein ástøðiligan part og ein praktiskan part. Partarnir byggja á hvønn annan.
• Didaktiskar avbjóðingar í barnagarði og í skúla
• Kreativitetur og innovatión í mun til menning og læring
• Tað týdningarmikla tríbýtið: (1) Mentan til børn, (2) mentan við børnum og (3) barnsins mentan
• Børn og digitalir miðlar
• Skapanartilgongdir saman við børnum
• Flow sum fakligt hugtak og sálarligt fyribrigdi
• Verkstaðapedagogikkur í søguligum ljósi
• Verkstaðararbeiði sum ítøkilig lærutilgongd
Próvtøkuháttur
Eftirmetingin er tríbýtt.
• Tey lesandi skulu leggja eina estetiska lærutilgongd/verkætlan til rættis
• Tey lesandi skulu í starvslæru at royna ætlanina í verki. (Starvsrættaðu dagarnir fara fram annaðhvørt í einum barnagarði ella í 1., 2. ella 3. flokki í fólkaskúlanum).
• Eftir starvslæruna skulu tey lesandi skriva eina starvslærufrágreiðing, har tey bregða átøðiliga partin, verkætlanina og starvsroyndirnar saman.
(Krøvini til verkætlanina, starvsrættaðu dagarnar og starvslærufrágreiðingina verða lýst nærri í serstøkum uppgávuskjali.)
Tey lesandi fáa staðið/ikki staðið fyri starvsrættaðu dagarnar.
Starvslærufrágreiðingin verður mett við støði í galdandi próvtalsstiga.