7219.09 - Samskifti og miðlar
Skeiðsnummar
7219.09
Heiti
Samskifti og miðlar
ECTS
9
Endamál
Skeiðið viðger tað, sum sermerkir fjølmiðlar. Undirvísingin hevur til endamáls:
• at geva tí lesandi vitan um samskifti og miðlar (ástøði, greining og søgu)
• at venja tann lesandi at greina, tulka og vandaliga viðgera tekstir og samrøður í samskiftissamanhangi.
Miðlarnir verða lýstir og greindir í sambandi við framkomu, menning og týdning teirra í ídnaðar- og upplýsingasamfelagnum.
Innihald
Undirvísingin verður skipað í fimm høvuðspartar.
1. partur: Innleiðsla í samskifti og miðlar
2. partur: Samskifti og miðlar í søguligum ljósi bæði í almennum og føroyskum høpi
Undirevni:
Fimm samskiftismentanir
Føroysk miðlasøga
3. partur: Mál og frásøgn
Undirevni:
Samrøðan
Próvførslugreining og orðaval
Fakta sum frásøgn
4. partur: Miðlar og samfelag
Undirevni:
Støða og týdningur miðlanna í samfelagnum
Leiklutur tíðindanna í politiska fólkaræðinum
5. partur: Miðlar og skúli
Leiklutur miðlanna í undirvísingini í fólkaskúlanum
Próvtøkuháttur
Skeiðið endar við bólkauppgávu seinastu vikuna. Næmingarnir skulu í bólkum á 3 – 4 út í fólkaskúla at gera eina lítla spurnarkanning um miðlavanar hjá børnum í t.d. einum 4. flokki og brúka hana sum grundarlag undir einari undirvísingargongd, ið tekur støði í miðlum og einum hugtaki afturat t.d. fólkaræði, samrøðu, próvførslu, frásøgn.
Undirvísingargongdin verður løgd fram fyri flokkin, og flokkurin eftirmetir hana.
Vit nýta innanhýsis eftirmeting. Próvtal verður givið eftir 13-stiganum. Tá ið mett verður um uppgávuna verður hugt at:
• Um tann lesandi dugir at brúka ástøði um fjølmiðlatekstir í greiningararbeiði.
• Um tann lesandi er tilvitandi um ta kraft, fjølmiðlar hava at ávirka og skapa hugburð.
• Um tann lesandi vandaliga dugir at sálda tilfarið, so tað hóskar ávísum skúlastigi.
• Um tann lesandi hevur hegni at gera ávísum málbólki undirvísingartilfar
• Um uppgávan er væl skipað
• Um tann lesandi málber seg væl, at orðalagið er raðið og rætt er stavað.
• Um tann lesandi nýtir vísindaligar keldur og dugir at brúka APA-tilvísingarskipanina