7679.20 - Skúlabúgving og innskúling I
Skeiðsnummar
7679.20
Heiti
Skúlabúgving og innskúling I
ECTS
15
Fortreytir
At lesandi er innskrivaður á NÁD
Endamál
Endamálið við skeiðnum er, at tey lesandi skulu nema sær fakligan kunnleika í og ástøðiligt grundarlag fyri virksemi í skúlabúgving og innskúling og skifti frá barnagarð í skúla. Tey skula fáa innlit í arbeiðsøkið hjá námsfrøðingum og lærarum. Harafturat skal tann lesandi ogna sær kunnleika um, hvat eyðkennir menningarstøði og sosialisering hjá børnum í skúlabúgvingini og innskúlingini.
Innihald
• Dagstovnalógin / fólkaskúlalógin, forskúlakunngerðin
• Skiftið millum barnagarð og skúla/frítíðarskúla
• Skúlabyrjan
• Læring og menning
• Sosialisering
• spæl og læring
• Læruumhvørvið
• Frítíðarskúlavirksemi
• Tvørprofessionelt samstarv millum námsfrøðingar og lærarar .
Læru- og undirvísingarhættir
Fyrilestrar, bólkaarbeiði, einsæris uppgávur, framløgur, vegleiðingar, portfolio og eftirmeting.
Hvørjar tilgongdir, ið verða nýttar, eru tengdar at, hvat undirvíst verður í.
Læruúrtøka
Við skeiðslok skulu tey lesandi megna at:
• Lýsa kritiskt, hvat eyðkennir skúlabúgving/innskúling sum granskingarøki við støði í lógargrundarlagnum á økinum.
• Greiða frá og greina grundleggjandi ástøði um læran og menning við atlit til skiftið frá barnagarðinum og í skúla.
• Greina hvussu børn verða myndað, mentað og sosialiserað við atlit til skiftið frá barnagarðinum og í skúlanum.
• kunna greina tvørprofessionelt samstarv, hvussu hugburður og arbeiðshættir hjá tí einstaka námsfrøðinginum/læraranum ávirkar menningarmøguleikar, lærumøguleikar og trivnaðarmøguleikar hjá børnum
• samantvinna námsfrøðiliga evnini við einum ástøðiligum grundarlagi, ið setir trivna, læring og menning í miðdepilin.
Próvtøkuháttur
Próvtøkan er ein lang skrivlig uppgáva sum verður skriva í bólki við í mesta lagi 3 lesandi.
Nærri kunning í serstakum skjali.
Próvdøming
Uttanhýsis
Próvtalsstigi
7-talsstigin
Lestrarlisti
Lestrarlistin verður útflýggjaður við skeiðsbyrjan
Ábyrgd
Sonja Olsen