7051.17 - Undirvísing og læring I - Ástøðiligur grundlestur

7051.17

Undirvísing og læring I - Ástøðiligur grundlestur

15

Treytin fyri at taka skeiðið er, at tann lesandi er innskrivað/ur til lestur á Námsvísindadeildini

Endamálið við skeiðnum er at gera tann lesandi kunnugan við lærarayrkið. Tann lesandi skal fáa greiða fatan av skúlans uppgávu í 21. øld, og hvørjir mentanarligir-, sosialir- og kognitivir faktorar ávirka menningar- og lærumøguleikarnar hjá børnum og ungum í dag. Tann lesandi skal harumframt fáa innlit í, hvat eyðkennir góða undirvísing og dygdargóðar undirvísingartilgongdir

Skeiðið er í fimm høvuðspørtum. Hvør partur hevur sítt egna evnisinnihald. Partarnir byggja á hvønn annan, og teir verða leinkjaðir sum frá líðurPartarnir eru hesir: - Góð undirvísing – kanningar og metakanningar (“Tann empiriska vendingin”) - Barna- og ungdómsmentan (Mentanin uttanskúla sum lærufortreyt innanskúla) - Hin føroyski fólkaskúlin (Sosialisering, dannilsi og námstlan) - Menningar- og læringarsálarfrøði (Ástøði um atburð, motivatión, sjálvsmenning, kognitión, intelligens og mál) - Undirvísingartilgongdir – (Frá læruástøði til undirvísingarhátt) Skeiðið endar við eini innleiðslu í trimum kanningarháttum - eygleiðingar, viðtal (interview) og spurnaðarbløð, ið tey lesandi fáa møguleika at royna í skúlahøpi

Fyrilestrar, cooperativar undirvísingartilgongdir, arbeiði við útvaldum casum, kjakbólkar, sjálvstøðugar arbeiðsuppgávur, ymiskar skrivi- og teknivenjingar, einstaklings- og bólkaframløgur, ið verða skipaðar eftir ymiskum leisti. Lesandi hava møtiskyldu. Um so er, at ein lesandi misrøkir møtiskylduna uttan haldgóða grund, kann lærarin sýta honum at fara til próvtøku.

Við skeiðslok skal tann lesandi megna • at greiða frá, hvussu hansara persónliga skúlasøga og skúlaroyndir hava myndað og/ella ávirkað ta læru- og undirvísingarfatan, hann hevur við sær inn á Námsvísindadeildina • at greiða frá, hvat altjóða skúlagranskarar siga um ”góða undirvísing” í 21. Øld • at lýsa hvat eyðkennir lívið og gerandisdagin hjá børnum og ungum í dag – í skúlanum og uttanfyri skúlan • at hugleiða um endamálið við fólkaskúlatilboðnum við støði í viðkomandi skjølum og myndlum – m.a. fólkaskúlalógini, barnarættindasáttmálanum, námsætlanum, ársætlanum og fyrireikingar- og eftirmetingarfrymlum • at flokka og samanbera grundleggjandi menningar- og læringarástøði • at grunda yvir og kjakast um sambandið millum grundleggjandi læruástøði øðrumegin og ítøkiligar undirvísingartilgongdir hinumegin • at stíða fram og halda styrri framløgur um úrvald námsfrøðilig temu • at brúka grundleggandi kanningarhættir í skúlahøpi

Áðrenn skeiðið endar, skulu tey lesandi skriva eina uppgávu, ið tekur saman um høvuðstemuni bæði í skeiðnum undirvísing og læring I og málmenning. Tey lesandi fáa nakrar spurningar handaðar uml. tvær vikur áðrenn at uppgávan skal leggjast fram og verjast munnliga. Krøv til uppgávu og framløgu verða lýst nærri í sjálvstøðugum skjali. Mælt verður til, at tvey og tvey lesandi arbeiða saman um próvtøkuuppgávuna. Í einstøkum førum kunnu trý lesandi arbeiða saman. Tey, ið ikki standa royndina, fara til endurpróvtøku eftir jólafrítíðina 2017. Próvtøkuorðingin verður hin sama. Í sambandi við endurpróvtøkuna hevur tann lesandi rætt til eina munnliga vegleiðing. Fyri at standa skeiðið mugu tey lesandi, umframt at standa próvtøkuuppgávuna, eisini standa eina kanning, tey fara at gera í bólki móti endanum av skeiðinum.

Uttanhýsis

7-talsstigin

Tey lesandi fáa lestrarlistan, tá ið skeiðið byrjar.

Rúna í Skála