7049.20 - Undirvísing og læring II - Skúlans uppgáva og lærarans uppgáva í skúlanum.

7049.20

Undirvísing og læring II - Skúlans uppgáva og lærarans uppgáva í skúlanum.

20

At lesandi er innskrivaður til lestur á NÁD

Endamálið við hesum skeiði er, at lesandi skulu fáa innlit í tær grundhugsanir, ið halda fólkaskúlanum og fólkaskúlaskipanini uppi. Hetta eru hugsanir um uppgávu skúlans í samfelagnum. Hetta eru hugsanir um búning øðrumegin og myndan hinumegin. Hetta eru hugsanir um sambandið næming/lærarar, næming/næming. Hetta eru hugsanir um siðvenjur, ið hava myndað skúlan og hansara virki. Og hetta eru hugsanir um siðalæru og yrkisetikk innan skúlagátt.

Skeiðið er skipað rundan um hesi evni: 1. Hin føroyski fólkaskúlin – fyrr og nú 2. Ymisk pedagogiskt ástøði 3. Næmingurin í fólkaskúlanum – nútíðarnæmingurin og næmingatýpur. 4. Lærarin í fólkaskúlanum – og læraraleiklutir 5. KT-didaktikkur – møguleikar og avbjóðingar 6. Siðvenjur, serliga kristindómur og modernaðar siðvenjur, ið hava mynda føroyska samfelagið og fólkaskúlan. 7. Grundleggjandi etisk ástøði, etisk menning og yrkisetikkur 8. Starvslæra

Skeiðið inniheldur: Styttri og longri læraraframløgur, lesiringar, næmingaframløgur av ymiskum slag, ymiskar skrivivenjingar og styttri evnisarbeiði

Tá skeiðið er lokið, skulu tey lesandi duga at - greiða frá høvuðsgongdini í føroyskari skúlasøgu - hugleiða um skúlans uppgávu við støði í viðurkendum pedagogiskum ástøðum - undirvísa bólkalimum í ymiskum úrvaldum evnum - greiða frá hvørja uppgávu og skyldu føroyskir fólkaskúlalærarar hava - greiða frá ymiskum læraratýpum og leiklutum - meta um sína egnu læraramedferð og persónsmensku - lýsa tann mun, ið kann vera millum næmingar, ið sita lið um lið í fólkaskúlanum - greiða frá, hvat KT didaktikkur er og meta um dygdir og veikleikar við KT í undirvísingini - samantvinna egnu royndir úr starvslæruni við úrvald ástøði á skeiðnum - taka støðu til hvønn leiklut ymsar siðvenjur, serliga kristindómur og modernaðar siðvenjur, hava í føroyska samfelagnum, serliga innanskúla í myndanaruppgávu skúlans - geva dømi um og samanbera grundleggjandi hugtøk og siðvenjur í siðalæru - geva ítøkilig dømi um, hvussu ein sjálv/ur hevði loyst úrvaldar etiskar avbjóðingar, ið kunnu taka seg upp inni í flokshølinum og uttanfyri flokshølið

Próvtøkuhátturin er skipaður í trimum pørtum. Fyrsti og annar partur av próvtøkuni er í námsfrøði og didaktikki. 1)Munnlig framløga í einum av undirvísingartímunum. (kravd fyri at sleppa til próvtøku í hinum pørtunum 2) Skrivligt avrik í bólki við munnligari verju. Henda próvtøkan telur 2/3 av próvtalinum. Triði partur er munnlig framløga í lívsáskoðan og siðalæru. Hesin partur telur 1/3 av próvtalinum. Nærri verður greitt frá samansettu próvtøkuni, tá skeiðið byrjar. Allir partar av próvtøkuni skulu standast. Um lesandi ikki stendur ein part, er neyðugt at fara til endurpróvtøku í tí partinum.

Innanhýsis

7-talsstigin

Verður útflýggjaður, áðrenn skeiðið byrjar

Rúna í Skála