7059.19 - Undirvísing og læring II - Skúlans uppgáva og lærarans uppgáva í skúlanum.

7059.19

Undirvísing og læring II - Skúlans uppgáva og lærarans uppgáva í skúlanum.

20

At lesandi er innskrivaður til lestur á NÁD

Endamálið við hesum skeiði er, at lesandi skulu fáa innlit í: (1) Føroyska skúlasøgu og tey rák, ið hava myndað tann fólkaskúla, ið vit hava í dag. (2) Úrvald pedagogisk-, sosiologisk- og filosofisk ástøði, ið farnu árini hava myndað kjakið um, hvør uppgáva skúlans er í samfelagnum, (3) Næmingins uppgávu í fólkaskúlanum (4) sernámsfrøðilig toymi innanskúla og uttanskúla (5) lærarans uppgávu í fólkaskúlanum, (6) hvat ein lívsáskoðan er, og hvussu kristindómur og aðrar lívsáskoðanir síggjast aftur í samfelagnum og ávirka myndanaruppgávu fólkaskúlans, og (7) grundleggjandi tættir í siðalæru og yrkisetisk viðurskifti

Skeiðið er skipað rundan um hesi evni: 1. Hin føroyski fólkaskúlin - úr søgn og søgu og fram til dagin í dag 2. Pedagogiskir hugsarar, ið lýsa fólkaskúlaprojektið úr ymiskum sjónarhornum 3. Næmingurin í fólkaskúlanum - hví skal hann ganga í skúla, og hvat skal hann nýta skúlagongdina til? (Skúlaskylda og undirvísingarskylda) Nútíðarnæmingurin og næmingatýpur. 4. Sernámsfrøði – diagnosa og inklusjón 5. Lærarin – hvat hevur hann ábyrgd av, og hvat hevur hann ikki ábyrgd av? Læraratýpur – og í hvønn mun læraratýpan er ávirkað av skúlasøgu, persónsmensku, starvsaldri og sjálvsáliti lærarans 6. Lívsáskoðan – serliga kristindómur og modernaðar siðvenjur - sum tema og fyribrigdi í samfelagnum og í fólkaskúlanum. 7. Grundleggjandi etisk ástøði, etisk menning og yrkisetikkur 8. Starvslæra

Skeiðið inniheldur: Styttri og longri læraraframløgur, lesiringar, næmingaframløgur av ymiskum slag, ymiskar skrivivenjingar og styttri evnisarbeiði

Tá skeiðið er lokið, skulu tey lesandi duga at - greiða frá høvuðsgongdini í føroyskari skúlasøgu - hugleiða um skúlans uppgávu við støði í viðurkendum pedagogiskum ástøðum - undirvísa bólkalimum í ymiskum úrvaldum evnum - greiða frá hvørja uppgávu og skyldu føroyskir fólkaskúlalærarar hava - greiða frá ymiskum læraraleiklutum - meta um sína egnu læraraatferð og persónsmensku - lýsa tann mun, ið kann vera millum næmingar, ið sita lið um lið í fólkaskúlanum - at tosa um sernámsfrøðiligu avbjóðingar fólkaskúlans og meta um, hvussu ein lærari kann skapa eitt inkluderandi læruumhvørvi - taka støðu til hvønn leiklut lívsáskoðanir, serliga kristindómur og modernaðar siðvenjur, hava í føroyska samfelagnum, serliga innanskúla í myndanaruppgávu skúlans - geva dømi um og samanbera grundleggjandi hugtøk og siðvenjur í siðalæru - geva ítøkilig dømi um, hvussu ein sjálv/ur hevði loyst úrvaldar etiskar avbjóðingar, ið kunnu taka seg upp inni í flokshølinum og uttanfyri flokshølið - Samantvinna egnu royndir úr starvslæruni við úrvald ástøði á skeiðnum

Próvtøkuhátturin er skipaður í tveimum. 1) Í fyrsta lagi skulu tey lesandi í bólki skriva tríggjar bloggar við støði í undirvísingini í lívsáskoðan og siðalæru. Fyri at fáa sítt endaliga próvtal, skal tann lesandi hava staðið bloggarnar. Um lesandi ikki standa bloggarnar, skulu tey betra um teir við støði í viðmerkingum frá metingini. 2) Í øðrum lagi skulu tey lesandi skriva eina uppgávu í bólki, har svarað verður upp á nakrar givnar spurningar. Próvtalið, sum verður givið fyri uppgávuna, er endaliga próvtalið fyri skeiðið. Um lesandi ikki stendur próvtøkuna, skal bøtast um uppgávuna og latast inn av nýggjum.

Uttanhýsis

7-talsstigin

Høvuðsbókmentirnar eru bøkurnar Klinge, Louise (2017) Lærerens relationskompetence, Kendetegn, Betingelser og Perspektiver, Dafolo Eidhamar, L. G., Leer-Salvesen, og Hølen, V. (2007). Den Andre: Etikk og filosofi i skolen. Kristiansand: Høyskoleforlaget. Umframt hesar bøkur, fáa tey lesandi eisini tilfar útflýggja, tá ið skeiðið byrjar.

Rúna í Skála